20 قىركۇيەك, 16:15 379 0 قاۋىپسىزدىك ماقسات قۇسايىنوۆ

«مەدياتسيانى دامىتۋ جولدارى»

الماتى قالاسى الاتاۋ اۋداندىق سوتى مەملەكەتتىك ەمەس ۇيىمدارمەن  كەزدەسۋ ءىس-شاراسى نەگىزىندە «حالىقارالىق قۇقىق قورعاۋ ورتالىعى» رەسپۋبليكالىق قوعامدىق بىرلەستىگىمەن بىرلەسىپ، مەدياتسيا تارتىبىندە تاتۋلاستىرۋ ءراسىمىن وتكىزۋدەگى جاڭاشىلدىقتارمەن ءبولىسۋ ءۇشىن «مەدياتسيانى دامىتۋ جولدارى» تاقىرىبىندا سەمينار وتكىزدى.

سەمينار جۇمىسىنا الماتى قالاسى الاتاۋ اۋداندىق سوتىنىڭ توراعاسى دتىلەۋباەۆ، سوتتىڭ تاتۋلاستىرۋشى سۋدياسى د.ايكۋلوۆ، اۋداندىق سوتتىڭ ماماندارى جانە «مەدياتسيا دامىتۋ ورتالىعىنىڭ» كاسىبي مەدياتورى ن.مىقتىباەۆا جانە «حالىقارالىق قۇقىق قورعاۋ ورتالىعىنىڭ» كاسىبي مەدياتورى ق.بابانوۆ قاتىستى.

ءىس-شارا بارىسىندا «حالىقارالىق قۇقىق قورعاۋ ورتالىعى» رەسپۋبليكالىق قوعامدىق بىرلەستىگىنىڭ كاسىبي مەدياتورى ق.بابانوۆ: «قولدانىستاعى قازاقستان رەسپۋبليكاسىنىڭ ازاماتتىق پروتسەستىك كودەكسىندە  پروتسەستە تاراپتاردى بىتىمگەرشىلىككە كەلۋگە ىقپال ەتۋگە باسىمدىق بەرىلىپ، سوتتاردىڭ تاراپتاردى تاتۋلاستىرۋ ءۇشىن بارلىق شارالاردى قولدانۋعا، پروتسەستىڭ بارلىق ساتىسىندا داۋلاردى رەتتەۋگە ىقپال ەتۋ مىندەتتەرى قاراستىرىلعانىن ايتىپ، كەلىسپەۋشىلىكتەردى رەتتەۋدەگى مەدياتورلاردىڭ تاسىلدەرىن جان-جاقتى ءتۇسىندىردى. قوعامدىق سانانىڭ ويى ەشقاشان ءبىر جەردەن شىققان ەمەس، ەندىگى ءبىزدىڭ باستى ماقسات، اتالعان تاقىرىپتاعى مەدياتورلارعا دەگەن قوعامدىق كوزقاراستى، ويدى، تۇپتەپ كەلگەندە سانانى جاڭعىرتۋ ارقىلى، مەدياتوردىڭ وزگە ورگانداردان ەرەكشەلىگىن، تاراپتاردىڭ تاڭداۋ مۇمكىنشىلىگى بار ەكەندىگىن، بۇرىنعى القا بيلەردىڭ بۇگىنگى جالعاسى رەتىندە قوعام ساناسىنىڭ جاڭعىرۋىنا ىقپال جاساپ، مەدياتسيانىڭ ناعىز مامىلە الاڭىنا اينالدىرۋعا بارىمىزدى سالامىز - دەدى.

سەمينار بارىسىندا ءسوز العان الاتاۋ اۋداندىق سوتىنىڭ تاتۋلاستىرۋشى سۋدياسى د.ايكۋلوۆ مەدياتسيا  راسىمىمەن ءبىرشاما تاراپتى تاتۋلاستىرعانىن ايتىپ، سوت جۇمىسىندا  مەدياتسيا ءراسىمىن وتكىزۋدىڭ تيىمدىلىكتەرىن تىلگە تيەك ەتتى.

ال، اۋداندىق سوتتىڭ توراعاسى د.تىلەۋباەۆ، ءوز تاراپىنان تەك سوتتا عانا ەمەس، سوتقا دەيىنگى بەيبىت كەلىسىمگە كەلۋ ءراسىمىن  كۇشەيتۋ الدەقايدا ءتيىمدى بولار ەدى دەپ، وسى اتالعاندار بارىسىندا جۇمىس جاساۋدى ۇسىندى.

سەمينار سوڭىندا كاسىبي مەدياتورلار كەزدەسۋ ۇيىمداستىرىپ، سەميناردا ءتۇرلى ماسەلەلەر بويىنشا ءوزارا پىكىر الماسۋدا ايرىقشا اتسالىسقاندارعا ريزاشىلىعىن ءبىلدىردى.

 

سوڭعى جاڭالىقتار