24 قىركۇيەك 2019, 20:43 735 0 الەۋمەت انار لەپەسوۆا

اق حالاتتىلار ارىستا جارالانعان ساپيورلەردىڭ جاعدايى تۋرالى ايتتى

ارىستا جارىلىستان زارداپ شەككەن ساپيورلەر الماتى قالاسىنداعى اسكەري-كلينيكالىق گوسپيتالدىڭ بەيىندى بولىمشەسىنە اۋىستىرىلدى. بۇل تۋرالى حيرۋرگيالىق جۇمىس بويىنشا اسكەري مەديتسينالىق مەكەمىنىڭ باسشىسى، مەديتسينالىق قىزمەتتىڭ پولكوۆنيگى وماروۆ عالىمجان مالىمدەدى.

ونىڭ سوزىنە قاراعاندا، بۇگىنگى تاڭدا ناۋقاستاردىڭ جاعدايى قاناعاتتانارلىق. ولاردىڭ بارلىعى اسكەري گوسپيتالدىڭ بەيىندى بولىمشەسىنە اۋىستىرىلدى. وقيعادان كەيىن اسكەري قىزمەتشىلەر اسكەري اۆياتسيانىڭ مەديتسينالىق مەكەمەسىنە جەدەل تۇردە جەتكىزىلدى. ول ءوز كەزەگىندە ۋاقتىلى قاجەتتى مەديتسينالىق كومەكتى كورسەتۋگە، سونداي-اق تەز ارادا وڭالۋعا جاعداي جاسادى.

ەسكە سالا كەتەيىك، 21 قىركۇيەكتە توتەنشە جاعداي سالدارىن جويۋ جəنە ارنايى جابدىقتالعان پوليگوننىڭ اۋماعىندا (ارىس قالاسىنان 60 شاقىرىم جەردە) جوسپارلى جارۋ جۇمىستارى بارىسىندا وق-ءدəرى فراگمەنتى وزدىگىنەن جارىلعان بولاتىن. ناتيجەسىندە كەلىسىمشارت بويىنشا ارنايى دايىندالعان 10 ساپەر-اسكەري قىزمەتشى جارىقشاقتان جارالانعان بولاتىن.

 

تەگتەر جارىلىس ارىس

سوڭعى جاڭالىقتار