24 قىركۇيەك, 11:05 514 0 ايماق انار لەپەسوۆا

قارتتار ۇيىنە بارعان ەرىكتىلەردى مەكەمە باسشىلىعى قۋىپ شىقتى

الماتى وبلىسىندا قارتتار ۇيىنەن شۋ شىقتى. داۋ ەرىكتىلەر مەن مەكەمە قىزمەتكەرلەرى اراسىندا تۋىنداعان. ەرىكتىلەر ول جەرگە قاريالارعا كونتسەرت قويىپ، تاتتىلەردەن ءدام تاتقىزۋ ءۇشىن بارعان. الايدا ونداعى قىزمەتكەرلەر اياق استى ەرىكتىلەردى قۋا باستاعان، دەپ حابارلايدى «الماتى» تەلەارناسى.

«ماعان ولاردىڭ بىزبەن اشۋلانا سويلەسكەنى ءبىر ءتۇرلى كورىندى. ءبىز پانسيوناتتاعى قارتتاردى ۋايىمدايمىز. ەشقانداي جانجالعا جول بەرگىمىز كەلگەن جوق. تەك قانا ىدىستى جۋىپ كەتەيىن دەگەنبىز»، – دەيدى ەرىكتى ەرالى اتيبەكوۆ.

ال مەكەمە اكىمشىلىگىنىڭ سوزىنشە، ەرىكتىلەر اسحاناعا رۇقساتسىز كىرىپ كەتكەن. ولاردىڭ ايتۋىنشا، تاماق ازىرلەيتىن ورىنعا قىزمەتكەرلەردەن بوگدە ادامداردىڭ كىرۋىنە تىيىم سالىنادى. عيماراتتى بوساتۋىن سۇراعاندا ەرىكتىلەر ونى قۇلاققا ىلمەي، قىزبالىققا سالىنعان. قازىر قارتتار ۇيىندە 50 ازامات تۇرادى. ولاردىڭ باسىم بولىگىندە پسيحيكالىق اۋىتقۋ بار.

«پانسيوناتتاعى قارتتاردىڭ كوبى ءتىپتى قولدارىندا ستاكاندى دا ۇستاي المايدى. ەگەر شىنى سىناتىن بولسا، جاراقاتتانۋى مۇمكىن. سوندىقتان قاۋىپسىزدىك ماقساتىندا پلاستيك ىدىستاردى پايدالانامىز»، – دەدى «نۇر وتاۋ» پانسيوناتىنىڭ باسشىسى گالينا بۋرماتوۆا.

سوڭعى جاڭالىقتار