24 قىركۇيەك, 09:59 446 0 جاھان انار لەپەسوۆا

مەملەكەت باسشىسى مايكل بلۋمبەرگپەن كەزدەستى

بۇۇ باس اسسامبلەياسىنىڭ 74-سەسسياسى اياسىندا مەملەكەت باسشىسى «Bloomberg» اقپارات اگەنتتىگىنىڭ نەگىزىن قالاۋشى ءارى يەسى مايكل بلۋمبەرگپەن كەزدەستى، دەپ حابارلادى اقوردانىڭ ءباسپاسوز قىزمەتى. 

كەزدەسۋ بارىسىندا تاراپتار قازاقستان مەن «Bloomberg» اقپارات اگەنتتىگى اراسىنداعى ىنتىماقتاستىقتىڭ كەلەشەگىن تالقىلاپ، الەمدىك ەكونوميكانىڭ كۇن تارتىبىندەگى وزەكتى ماسەلەلەرى جونىندە پىكىر الماستى.

قاسىم-جومارت توقاەۆ 25 قىركۇيەكتە نيۋ-يوركتە وتەتىن «Bloomberg» جاھاندىق بيزنەس-فورۋمىنىڭ ماڭىزدىلىعىن اتاپ ءوتتى. بۇل رەتتە، پرەزيدەنت الداعى ءىس-شارا جۇمىسىنا قازاقستاننىڭ اتىنان «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ قاتىساتىنىن ايتتى.

سونىمەن قاتار، مەملەكەت باسشىسى قاسىم-جومارت توقاەۆ مايكل بلۋمبەرگكە قازاقستاننىڭ ساۋدا-ەكونوميكالىق جانە ينۆەستيتسيالىق مۇمكىندىكتەرى تۋرالى ايتىپ، امەريكالىق بيزنەسمەندى «استانا» حالىقارالىق قارجى ورتالىعىمەن بەلسەندى ىنتىماقتاستىق ورناتۋعا شاقىردى.

مايكل بلۋمبەرگ كەزدەسۋگە مۇمكىندىك تۋعىزعانى ءۇشىن قازاقستان پرەزيدەنتىنە العىس ءبىلدىرىپ، قازاقستاندىق ارىپتەستەرىمەن ءوزارا ءتيىمدى ىنتىماقتاستىقتى ىلگەرىلەتۋگە دايىن ەكەنىن جەتكىزدى. كەزدەسۋ سوڭىندا قاسىم-جومارت توقاەۆ مايكل بلۋمبەرگتى قازاقستانعا ساپارمەن كەلۋگە شاقىردى.

سوڭعى جاڭالىقتار