23 قىركۇيەك, 10:23 591 0 سپورت انار لەپەسوۆا

الەم چەمپيوناتى: قازاقستاندىق بوكسشىلار ءۇشىنشى ورىننان كورىندى

رەسەيدىڭ ەكاتەرينبۋرگ قالاسىندا بوكستان 20-الەم چەمپيوناتى ءوز مارەسىنە جەتتى. قازاقستان كومانداسى جالپى ەسەپ بويىنشا التى مەدالمەن ءۇشىنشى ورىندى قاناعات تۇتتى. 

قازاق بوكسشىلارىنىڭ ەنشىسىندە ءبىر التىن، ءبىر كۇمىس جانە ءتورت قولا مەدال بار.  81 كەلىدەگى بەكزات نۇرداۋلەتوۆ التىن مەدال يەلەنسە، اسا اۋىر سالماقتاعى قامشىبەك قوڭقاباەۆ كۇمىس جۇلدەگە قول جەتكىزدى. ءتورت قولا جۇلدەنى ساكەن بيبوسىنوۆ (52 كەلى), ابىلايحان ءجۇسىپوۆ (69 كەلى), تۇرسىنباي قۇلاحمەت (75 كەلى) جانە ۆاسيلي لەۆيت (91 كەلى) ەنشىلەدى.

قازاقستان ساپىنان 57 كەلىدەگى قايرات ەراليەۆ پەن 63 كەلىدەگى زاكىر سافيۋللين عانا جۇلدەسى قالدى. جالپىكوماندالىق ەسەپتە ءبىزدىڭ قۇراما ءۇشىنشى ورىندى يەلەندى. ءبىرىنشى ورىنعا ءۇش التىن، ءبىر كۇمىس جانە ءبىر قولا جەڭىپ العان وزبەكستان قۇراماسى ورنالاستى. ەكىنشى ورىندى ءۇش التىن، ءبىر قولا جۇلدەسى بار رەسەي جەڭىپ الدى. ءتورتىنشى ورىندا ءبىر التىن، ءبىر كۇمىس جانە ءبىر قولا يەلەنگەن كۋبا كومانداسى.

سوڭعى جاڭالىقتار