22 قىركۇيەك, 01:31 455 0 قوعام دينارا مىڭجاسارقىزى

مينيستر ريددەردەگى سپورت مەكتەبىنە باردى

مادەنيەت جانە سپورت ءمينيسترى ا.رايىمقۇلوۆا ريددەر قالاسىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ ينتەرنات-كوللەدجىنە باردى. وندا مينيستر مەكتەپتىڭ كابينەتتەرىن، جاتاقحانا، اسحانا، جاتتىعۋ زالدارىن ارالاپ كوردى.

سونداي-اق 300 ورىنعا ارنالعان جاڭا مەكتەپتىڭ قۇرىلىسىمەن تانىستى. ريددەر قالاسىنىڭ اكىمى ج.مۇراتوۆ مەكتەپ ديرەكتورى ۆ. كناۋپپەن كەزدەسۋدە كوللەدج اۋماعىندا شاڭعى تراسساسىن سالۋ، ريددەر قالاسىندا 40 مەتەرلىك ترامپلين سالۋ ماسەلەلەرى تالقىلاندى. مادەنيەت جانە سپورت ءمينيسترى ا.رايىمقۇلوۆا مەكتەپ وقۋشىلارىمەن دە كەزدەستى.

«ءبىزدىڭ مىندەتىمىز – سەندەردىڭ سپورتپەن الاڭسىز اينالىسۋلارىڭ ءۇشىن بارلىق جاعدايدى جاساپ بەرۋ. ال سەندەر، بالالار جاقسى ناتيجەلەر كورسەتىپ، وزدەرىڭە سەنىم ارتىپ وتىرعان كوللەدجدىڭ، قالانىڭ، ەلدىڭ تۋىن تەك بيىكتەن جەلبىرەتەتىن بولىڭدار »،- دەپ كوللەدج تاربيەلەنۋشىلەرىنە ساتتىلىك تىلەدى.

سوڭعى جاڭالىقتار