19 قىركۇيەك, 13:00 386 0 دەنساۋلىق انار لەپەسوۆا

كۇن سايىن شومىلۋ دەنساۋلىققا قاۋىپ توندىرەدى

بۇگىندە ادامدار تىم ءجيى شومىلۋدى ادەتكە اينالدىرعان. دەرموتولوگ دارىگەرلەردىڭ پىكىرىنشە، مۇنىڭ دەنساۋلىققا كەرى اسەرى كوپ. 

مەديكفورۋم پورتالىنىڭ حابارلاۋىنشا، دۋشتى كۇندە قابىلداۋ سابىن مەن سۋسابىن وندىرۋشىلەرگە عانا پايدالى. ال اعزانىڭ قورعانىس بوگەتى تومەندەيدى. ىستىق سۋمەن ءجيى شومىلۋ تەرىنى قۇرعاتىپ، ميكروسىزاتتار تۇسىرەدى. سۋسابىندار مەن سابىن قولدانۋ پايدالى باكتەريالاردىڭ كوزىن جويىپ، ينفەكتسيانىڭ دامۋىن جىلدامداتۋى مۇمكىن. ودان قالدى ادامداردىڭ كوپشىلىگى دۋشتا دا، ۆاننادا دا ۇزاق شومىلادى.

تەرىنىڭ قورعانىس بوگەتىن تومەندەتپەس ءۇشىن شومىلۋ ۋاقىتى 15 مينۋتتان اسپاۋى ءتيىس. سۋ تەمپەراتۋراسىنان دا قاۋىپ ءتونۋى مۇمكىن. ماماندار قاتتى ىستىق سۋ جۇرەك تالماسىنا دا اكەپ سوعاتىنىن العا تارتادى. ياعني بۇدان تونەتىن قاۋىپ فيزيكالىق اۋىرتپالىقتارعا قاراعاندا بەس ەسە جوعارى.

«دەنەنى تازا ۇستاعىڭىز كەلسە، كيىم-كەشەكتى ءجيى جۋىپ، كۇندەلىكتى اۋىستىرىپ وتىرىڭىز. اسىرەسە كيىمنىڭ ماقتادان تىگىلگەنىنە ءمان بەرىڭىز»، – دەيدى دارىگەرلەر.

سوڭعى جاڭالىقتار