19 قىركۇيەك, 10:29 510 0 ساراپتاما دينارا مىڭجاسارقىزى

ءجۇز كۇننىڭ جۇگى

9 ماۋسىمدا وتكەن كەزەكتەن تىس پرەزيدەنت سايلاۋىندا حالىق سەنىمىنە يە بولعان قاسىم-جومارت توقاەۆتىڭ  ەل تىزگىنىن قولىنا العانىنا 100 كۇن بولدى. 

ەلىمىزدىڭ باسقارۋشى لاۋازىمدارىندا ۇلكەن ەڭبەك ءوتىلى بار، ەلىمىزدىڭ سىرتقى ساياساتىن قالىپتاستىرۋ كەزىندە سىرتقى ىستەر ءمينيسترى، ۆيتسە-پرەمەر، مينيستر جانە پرەمەر-مينيستر، سەنات توراعاسى قىزمەتتەرىن ءوز بيىگىندە اتقارعان قاسىم-جومارت كەمەلۇلىن كوپشىلىك ادال ءارى جاۋاپكەرشىلىگى مول تۇلعا رەتىندە باعالايدى. دەمەك، ەلىمىزدىڭ ساياساتى مەن ەكونوميكاسى كوز الدىندا ساتىلاپ ءوس­كەنىنە كۋا بولعان پرەزيدەنتتىڭ كەز كەلگەن جاۋاپتى مىندەتتى تياناقتى اتقارىپ، ءوز ءىسىن تىڭعىلىقتى بىلەتىنى وسىدان اڭعارىلسا كەرەك.

مەملەكەت باسشىسى بۇعان دەيىنگى قىزمەتىندە دە حالىقتان قاشىق بولعان ەمەس. ءوزىنىڭ Twitter-دەگى پاراقشاسىندا كەز كەلگەن ماسەلەگە قاتىستى پىكىرىن ءبىلدىرىپ، سول ىسكە جاۋاپتى سالانىڭ  باقىلاۋعا الۋىن قاداعالاپ وتىراتىنى بۇرىننان بار. پرەزيدەنت بولسا دا، بۇل بايلانىستى ۇزگەن جوق. ءوزى ايتقانداي، الەۋمەتتىك جەلى مەملەكەتتىك قىزمەتكەرلەردى حالىق­پەن جاقىن ەتەتىنى انىق.

ارىس قالاسىندا جارىلىس بولعان كەزدە جەرگىلىكتى جۇرتتىڭ اراسىنان تابىلۋى دا كوپتىڭ كوڭىلىنە دەمەۋ بولعان. سونداي-اق، پرەزيدەنت اتاۋلى الەۋ­مەت­تىك كومەك ماسەلەسىن قايتا قاراپ، 1 ساۋىردەن باس­تاپ كوپبالالى وتباسىنداعى ءار بالاعا 21 مىڭ تەڭگە تولەۋدى جانە كوپ بالالى وتباسىلار، مۇگەدەك بالاسى بارلار، اسىراۋشىسىنان ايىرىلعاندار مەن اتاۋلى الەۋمەتتىك كومەك الاتىندار مەن جەتىم بالالارى بار وتباسىنىڭ بانكتەن العان نەسيەسى كەشىرىلدى.

قر پرەزيدەنتى ق.توقاەۆ ەل ءتىز­گى­نىن قولىنا العالى بەرى ءبىر­قاتار ماڭىزدى كەزدەسۋلەر وتكىزىپ، ءتۇرلى باسقوسۋلارعا قاتىستى.

بىلاي قاراعاندا، ءجۇز كۇن پرەزي­دەنت­تىڭ اتقارعان جۇمىسىنا باعا بەرەتىن كوپ ۋاقىت ەمەس. الايدا، ءۇش اي ىشىندە نەداۋىر ءىس-قيمىلعا جۇمىلارلىق جوسپار ءتۇزىلدى. ەلدىڭ ەكونوميكالىق-ساياسي باعىتى اي­قىن. ەندىگىدە ۇكىمەت، مينيسترلەر مەن اكىم­دەر تەك قانا جۇمىس ىستەپ، ناتيجەسىن حالىق الدىندا كورسەتۋى ءتيىس. ولار دا پرەزيدەنت سياقتى حالىققا بەرگەن ۋادە­لە­رىن مىندەتتى تۇردە ورىنداۋعا بار كۇش-جىگەرىن جۇمساۋى كەرەك.

ءبىز تومەندە پرەزيدەنتتىڭ 100 كۇنىنە حرونيكالىق شولۋ جاسادىق.

12 ماۋسىم

قاسىم-جومارت توقاەۆتىڭ قازاقستان رەسپۋبليكاسىنىڭ پرەزيدەنتى قىزمەتىنە رەسمي كىرىسۋ ءراسىمى ءوتتى.

12 ماۋسىم

قازاقستان پرەزيدەنتى قاسىم-جومارت توقاەۆ اكىمدەرمەن كەڭەس وتكىزدى.

13 ماۋسىم

قاسىم-جومارت توقاەۆ قحر توراعاسى سي تسزينپين، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ جانە اۋعانستان يسلام رەسپۋبليكاسىنىڭ پرە­زي­دەنتى مۇحاممەد اشراف عانيمەن كەز­دەستى.

14 ماۋسىم

قازاقستان پرەزيدەنتى شانحاي ىنتى­ماق­تاستىق ۇيىمىنا مۇشە مەملەكەتتەر باس­شىلارى كەڭەسىنىڭ وتىرىسىنا قا­تىستى.

قاسىم-جومارت توقاەۆ تاجىكستان رەس­پۋبليكاسىنىڭ پرەزيدەنتى ەمومالي راح­مونمەن كەزدەستى.

15 ماۋسىم 

قازاقستان پرەزيدەنتى قاسىم-جومارت توقاەۆ قاتار ءامىرى تاميم بەن حاماد ءال تانيمەن كەزدەستى.

15 ماۋسىم 

قازاقستان پرەزيدەنتى ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ V سامميتىنە قاتىستى.

19 ماۋسىم

قازاقستان پرەزيدەنتى – قازاقستان قارۋلى كۇشتەرىنىڭ جوعارعى باس قول­باس­شىسى V «ايبىن» رەسپۋبليكالىق اسكەري-پاتريوتتىق جاستار جيىنىنىڭ اشى­لۋى­نا قاتىستى.

21 ماۋسىم 

«قازاقستاننىڭ تۇڭعىش پرەزيدەنتى – «كە­مەڭ­گەرلىكتىڭ 30 جىلى» اتتى حالىق­ارالىق عىلىمي-تاجىريبەلىك كونفە­رەن­تسياعا قاتىستى.

24 ماۋسىم 

قازاقستان پرەزيدەنتى قاسىم-جومارت توقاەۆتىڭ توراعالىعىمەن حالىقتى الەۋ­مەتتىك قورعاۋ ماسەلەلەرى جونىندە كەڭەس ءوتتى.

25 ماۋسىم

قاسىم-جومارت توقاەۆ ارىس قالا­سىن­داعى ەۆاكۋاتسيالىق پۋنكتكە باردى.

26 ماۋسىم 

مەملەكەت باسشىسى بۇقارالىق اق­پارات قۇرالدارى سالاسىنداعى سىيلىقتار مەن گرانتتار تاپسىردى.

4 شىلدە

قاسىم-جومارت توقاەۆ شەتەلدىك ين­ۆەس­تورلار كەڭەسىنىڭ 32-پلەنارلىق وتى­رى­سىنا قاتىستى.

6 شىلدە

مەملەكەت باسشىسى جاڭا «Jekpe-Jek» سارايىنا باردى.

7 شىلدە 

قاسىم-جومارت توقاەۆ ۇلتتىق دوم­بىرا كۇنىنە ارنالعان كونتسەرتكە بار­دى.

15 شىلدە

مەملەكەت باسشىسى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىن وتكىزدى.

15 شىلدە

قازاقستان پرەزيدەنتى اكىمدەرمەن كە­ڭەس وتكىزدى.

 7 تامىز

مەم­لەكەت باسشىسى قر پرەزيدەنتىنىڭ حوككەيدەن 10-شى مەرەيتويلىق كۋبو­گى­نىڭ اشىلۋ سال­تا­نا­تىنا قاتىستى.

13 تامىز 

مەملەكەت باسشىسى ەكونوميكالىق ءما­سەلەلەر بويىنشا كەڭەس وتكىزدى.

16 تامىز 

مەملەكەت باسشىسى تامىز كونفە­رەن­تسياسىنا قاتىستى.

21 تامىز 

مەملەكەت باسشىسى ورتالىق ازيا مەم­­ل­ەكەتتەرىنىڭ سىرتقى ىستەر مي­نيس­تر­لەرىمەن كەزدەستى.

23 تامىز 

قاسىم-جومارت توقاەۆ قاراعاندىدا ەلىمىزدىڭ يندۋستريالىق-يننوۆاتسيالىق دامۋى جونىندە كەڭەس وتكىزدى.

24 تامىز

مەملەكەت باسشىسى «ۇلىتاۋ 2019» حا­لىق­ارالىق تۋريستىك فورۋمىنىڭ جۇ­مىسىنا قاتىستى.

27 تامىز

قاسىم-جومارت توقاەۆ بيۋدجەتتىك جوس­­پارلاۋ ماسەلەلەرى جونىندە كەڭەس وتكىزدى.

29 تامىز

قازاقستان پرەزيدەنتى «يادرولىق قا­رۋسىز الەم جانە جاھاندىق قاۋىپسىزدىك ءۇشىن نازارباەۆ سىيلىعىن» تاپسىرۋ ءراسى­مىنە قاتىستى.

2 قىركۇيەك  

مەملەكەت باسشىسى قاسىم-جومارت تو­­­­قاەۆ قازاقستان حالقىنا جولداۋىن جاريالادى.

3 قىركۇيەك 

قازاقستان پرەزيدەنتى ون مەملەكەتتىڭ ەلشىلەرىنەن سەنىم گراموتالارىن قابىل­دادى.

4 قىركۇيەك

مەملەكەت باسشىسى ازيا قالام­گەر­لەرىنىڭ ءى فورۋمىنا قاتىستى.

5 قىركۇيەك 

مەملەكەت باسشىسى مۇناي-گاز سالاسىن دامىتۋ ماسەلەلەرى جونىندە كەڭەيتىلگەن كەڭەس وتكىزدى.

5 قىركۇيەك

مەملەكەت باسشىسى قازاقستان مۇناي-گاز سالاسىنىڭ 120 جىلدىعىنا ارنالعان سالتاناتتى جيىنعا قاتىستى.

6 قىركۇيەك 

مەملەكەت باسشىسى ۇلتتىق قوعامدىق سەنىم كەڭەسىنىڭ العاشقى وتىرىسىنىڭ جۇمىسىنا قاتىستى.

6 قىركۇيەك 

قازاقستان پرەزيدەنتى ارىس قالا­سىن­دا بولعان توتەنشە جاعداي كەزىندە ەرەكشە كوزگە تۇسكەن ازاماتتاردى ماراپاتتادى.

11 قىركۇيەك

قازاقستان پرەزيدەنتى قاسىم-جومارت توقاەۆ قحر-نا جاساعان ساپار بارىسىندا قحر  توراعاسى سي تسزينپينمەن كەلىس­سوز­دەر جۇرگىزدى.

 17 قىركۇيەك

مەملەكەت باسشىسى اۋىلدى جانە اگروونەركاسىپ كەشەنىن دامىتۋ ماسەلەلەرى جونىندە كەڭەس وتكىزدى.

سوڭعى جاڭالىقتار