19 قىركۇيەك, 10:21 354 0 ەكولوگيا انار لەپەسوۆا

ەلباسى ەلوردا «جاسىل بەلدەۋىنىڭ» دامۋ بارىسىمەن تانىستى

كەزدەسۋ بارىسىندا قازاقستاننىڭ تۇڭعىش پرەزيدەنتى ەكولوگيا، گەولوگيا جانە تابيعي رەسۋرستار ۆيتسە-ءمينيسترى ە.نىسانباەۆتىڭ، نۇر-سۇلتان قالاسىنىڭ اكىمى ا.كول­گىنوۆتىڭ جانە اقمولا وبلىسىنىڭ اكىمى ە.مارجىقپاەۆتىڭ اقپاراتىن تىڭدادى.

– ءسىزدىڭ تاپسىرماڭىزعا سايكەس 1997 جىلدان باستاپ ءبىز «جاسىل بەلدەۋ» قۇرۋ جۇمىستارىن جۇرگىزىپ كەلەمىز. بۇگىندە ونىڭ اۋدانى 87 مىڭ گەكتاردان اسادى. بيىل وتىرعىزۋ اۋماعى 4,6 مىڭ گەكتاردى قۇرادى. 2022 جىلعا دەيىن ءبىز جالپى جاسىل جەلەكتىڭ اۋماعىن 100 مىڭ گەكتارعا جەتكىزەمىز»، – دەدى ەكولوگيا، گەولوگيا جانە تابيعي رەسۋرستار ۆيتسە-مينيس­ترى.

سونىمەن قاتار، ەلباسىنا اگروتەحنيكالىق ءىس-شارالاردىڭ ناتيجەسىندە الىنعان مالىمەتتەردى جيناۋ جانە تالداۋ ۇدەرىستەرىن تسيفرلاندىرۋ بو­يىنشا جوسپارلانعان شارالار تۋرالى اقپارات بەرىلدى.

سونداي-اق، قازاقستاننىڭ تۇڭعىش پرەزيدەنتىنە ەلوردانى كوگالداندىرۋدىڭ ناتيجەلەرى جانە «جاسىل بەلدەۋدى» بۋراباي ورمان القابىمەن قوسۋ بويىنشا قابىلدانعان شارالار تۋرالى باياندالدى.

ۇسىنىلعان باياندامالاردى نازارعا الا وتىرىپ، نۇرسۇلتان نازارباەۆ ەلوردا توڭىرەگىندە «جاسىل بەلدەۋ» قۇرۋ تاجىريبەسىن ەلىمىزدىڭ وزگە وڭىرلەرىندە قولدانۋدىڭ ماڭىزدىلىعىن اتاپ ءوتتى.

سوڭعى جاڭالىقتار