18 قىركۇيەك, 14:44 376 0 دەنساۋلىق انار لەپەسوۆا

الماتىدا تاعى دا اپات: ءبىر وتباسىنىڭ ءۇش بالاسىن كولىك قاقتى

الماتىدا ءبىر وتباسىنىڭ ءۇش بالاسىن كولىك قاعىپ كەتتى، دەپ حابارلادى قوعامدىق دەنساۋلىقتى ساقتاۋ باسقارماسىنىڭ ءباسپاسوز قىزمەتى.

وقىس وقيعا ۇلجان شاعىن اۋدانىنداعى №152 مەكتەپتىڭ ماڭىندا تاكەجانوۆ كوشەسىندە بولعان. «18 قىركۇيەكتە جەدەل جاردەم بريگاداسى 9, 6, 5 جاستاعى ءۇش بالانى جەتكىزدى. بالالاردى ۇلجان شاعىن اۋدانىندا كولىك قاعىپ كەتتى. 5 جانە 6 جاستاعى بالالاردىڭ كەۋدە قۋىسى ورگاندارى سوققىسى العان. 9 جاستاعى بالا جەڭىل جاراقات العان. سوندىقتان ول امبۋلاتوريالىق ەم الۋعا ۇيىنە جىبەرىلدى. ال 5 جانە 6 جاستاعى بالالار اۋرۋحاناعا جاتقىزىلدى»، - دەلىنگەن حابارلامادا.

دارىگەرلەر بالالاردىڭ جاعدايىن ورتاشا دەپ باعالاپ وتىر. بەلگىلى بولعانداي، اناسى مەن بالالارى جولدىڭ تىيىم سالىنعان جەرىنەن وتپەك بولعان.

سوڭعى جاڭالىقتار