18 قىركۇيەك, 10:19 394 0 دەنساۋلىق انار لەپەسوۆا

اتىراۋدا ءبىر جىلدا 764 ادام قىزىلشامەن اۋىرعان

اتىراۋ وبلىسىندا قوسىمشا يممۋنداۋ جۇمىستارى اياسىندا 6 جاسقا دەيىنگى بالالاردان بولەك 20-29 جاس ارالىعىنداعى 50 مىڭ ادام ەكپە سالدىرۋى ءتيىس.

وتكەن جىلدان بەرى مۇنايلى ولكەدە قىزىلشامەن 764 ادام اۋىردى. ونىڭ 73%-ءى بالالار. ال اۋرۋ جۇقتىرعاندار مەن ۆيرۋس تاراتۋشىلاردىڭ 16%-ءى اتا-انالارى ءتۇرلى ءدىني كوزقاراستارىنا بايلانىستى بالاسىنا ۆاكتسينا سالدىرماعاندار. وبلىس بويىنشا قازىر 68 مىڭ دوزا ۆاكتسينا دايىن تۇر. وبلىستا رەسمي تىركەلگەن 630 مىڭ تۇرعىننىڭ كەم دەگەندە 10%-ءى قىزىلشا مەن قىزامىققا قارسى ەكپە الۋى ءتيىس. ال جىل باسىنان بەرى وبلىس بويىنشا 9-10 ايلىق 8 مىڭعا جۋىق سابيگە قىزىلشاعا قارسى مىندەتتى ەكپە سالىنعان.

«ەكپەدەن باس تارۋ ناتيجەسى ول بالانىڭ قىزىلشا اۋرۋىنىڭ اسقىنۋىنا جول بەرەدى. ول جەردە پنەۆمونيا، ميدىڭ قابىنۋى، ەنتسەفاليت، سونىمەن قاتار ءتىپتى بالانىڭ كوزى كورمەي قالۋى سياقتى اسقىنۋلارعا الىپ كەلەدى. ازىرگە فاكت بولعان جوق، بىراق ءولىم جاعدايىنا دەيىن اكەلىپ سوقتىرۋى مۇمكىن»، – دەيدى ەپيدەميالىق قاداعالاۋ ءبولىمىنىڭ باسشىسى گۇلناز ەرباتىروۆا.

-

سوڭعى جاڭالىقتار