17 قىركۇيەك, 10:36 420 0 مادەنيەت انار لەپەسوۆا

قازاق راديوسىنا جاڭا باسشى كەلدى

«قازاق راديولارى» جشس باس رەداكتورى جانە قازاق راديوسىنىڭ ديرەكتورى قىزمەتىنە دۋلات ورىنباسارۇلى ابيبۋللاەۆ تاعايىندالدى.

دۋلات ابيبۋللاەۆ 1985 جىلى تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ تۇلەگى. سونداي-اق ەكونوميست ماماندىعىن يگەرگەن. باق سالاسىندا 12 جىلدان استام ەڭبەك ءوتىلى بار. «31 تەلەارنا» مەدياحولدينگىندە رەداكتور، «ونەر جۇلدىزدارى» رەسپۋبليكالىق جۋرنالىندا PR-مەنەدجەر، شەف-رەداكتور، باس رەداكتور، «قازاقستان كاسىپوداعى» گازەتىنىڭ باس رەداكتورى، قر كاسىپوداقتارى فەدەراتسياسىنىڭ ءباسپاسوز-حاتشىسى قىزمەتتەرىن اتقارعان.

2012 جىلدان بەرى «كازاقستان» رترك اق قۇرامىندا جۇمىس ىستەيدى، قر پرەزيدەنتىنىڭ، قر ۇكىمەتىنىڭ جۋرناليستتىك پۋل توبىنىڭ ءتىلشىسى. «التىن قالام»، «شابىت» حالىقارالىق شىعارماشىلىق بايقاۋلارىنىڭ جۇلدەگەرى.

 

سوڭعى جاڭالىقتار