17 قىركۇيەك, 10:26 457 0 رۋحانيات انار لەپەسوۆا

اتىراۋدا حيۋاز دوسپانوۆانىڭ ەسكەرتكىشى بوي كوتەردى

اتىراۋدا قازاقتىڭ تۇڭعىش ۇشقىش قىزى، حالىق قاھارمانى حيۋاز دوسپانوۆاعا ەسكەرتكىش قويىلدى. قازاقتىڭ قاھارمان قىزىنىڭ ەرلىگىنە باس يگەن جەرلەستەرىنىڭ باستاماسىمەن ەسكەرتكىش قالاداعى حالىقارالىق اۋەجاي الاڭىندا بوي كوتەردى.

قازاقتىڭ تۇڭعىش ۇشقىش قىزىنا ارنالعان ەسكەرتكىشتىڭ سالتاناتتى اشىلۋىنا اتىراۋ وبلىسىنىڭ اكىمى نۇرلان نوعاەۆ پەن ەلىمىزدىڭ ءار وڭىرىنەن كەلگەن زيالى قاۋىم وكىلدەرى قاتىستى.

«ەل باسىنا كۇن تۋعان ساتتە ەر ازاماتتارمەن بىرگە ساپقا تۇردى. مانشۇك، ءاليا، حيۋاز. ەشكىم ولاردى مىندەتتەمەدى. جۇرەك قالاۋىمەن ەلدىڭ بولاشاعى ءۇشىن ءوز ءومىرىن قۇربان ەتتى. قازىرگى تاڭدا ەلباسىنىڭ تاپسىرماسىمەن ەلدىڭ دامۋ ستراتەگياسىندا كورسەتىلگەن مەجەلەردىڭ بىرەگەيى – ايەل قاۋىمىنا ۇلكەن قۇرمەت كورسەتۋ. سوندىقتان دا بۇگىنگى سالتاناتتى شارا بارشا انالارىمىزعا، قازاق قىزدارىنا سونىڭ ىشىندە بىرەگەيى – حيۋاز دوسپانوۆاعا قۇرمەت»، – دەدى اتىراۋ وبلىسىنىڭ اكىمى نۇرلان نوعاەۆ.

اتىراۋ حالىقارالىق اۋەجايىنا ورنالاسقان ەسكەرتكىشتىڭ بيىكتىگى – 2 مەتر 30 سانتيمەتر. قولادان قۇيىلعان ەسكەرتكىشتە حيۋاز دوسپانوۆانىڭ سوعىسقا اتتانعان بويجەتكەن قالپى ساقتالعان.

سوڭعى جاڭالىقتار