16 قىركۇيەك, 17:08 433 0 الەۋمەت انار لەپەسوۆا

جانتۇرشىگەرلىك اپات: اقتوبەدە جول بويىندا 4 ادام تىرىدەي جانىپ كەتتى

اقتوبە وبلىسىندا جانتۇرشىگەرلىك جول-كولىك وقيعاسى بولدى. اپات سالدارىنان التى ادام قازا تاپقان.  ونىڭ تورتەۋى تىرىدەي جانىپ كەتتى. بۇل تۋرالى وبلىستىق پد ءباسپاسوز قىزمەتى حابارلادى.

توتەنشە جاعداي 16 قىركۇيەكتە 3:45-تە سامارا - شىمكەنت تاسجولىنىڭ 934-شاقىرىمىندا ايتەكە بي اۋدانى بەلقوپا اۋىلىنا جاقىن ماڭدا بولعان. Mazda Cronos ماركالى اۆتوكولىكتىڭ جۇرگىزۋشىسى اقتوبە باعىتىندا كەتىپ بارا جاتىپ، جولدىڭ قارسى بەتىنە ءوتىپ كەتىپ، Opel Vectra اۆتوكولىگىمەن سوقتىعىسقان. سوققى سالدارىنان Mazda كولىگىندە ءورت شىققان: گاز باللون اگرەگاتى جارىلعان. جول-كولىك وقيعاسى سالدارىنان Opel Vectra اۆتوكولىگىنىڭ جۇرگىششۋشىسى ايتەكە بي اۋداندىق ورتالىق اۋرۋحاناسىنا جەتكىزىلدى، ال ونىڭ جارى مەن ۇلى وقيعا ورنىندا قازا تاپتى. Mazda جۇرگىزۋشىسى، ونىڭ جارى، ۇلى مەن نەمەرەسى كولىك سالونىندا جانىپ كەتتى.

«وسى دەرەككە قاتىستى سوتقا دەيىنگى تەرگەۋ شارالارى قر قىلمىستىق كودەكسىنىڭ 345-بابى 4-بولىگى بويىنشا ءجۇرىپ جاتىر»، - دەلىنگەن حابارلامادا.

سوڭعى جاڭالىقتار