15 قىركۇيەك, 20:50 538 0 جاڭالىقتار انار لەپەسوۆا

شامالعاندا پويىز اۆتوبۋستى سوعىپ ءوتتى

الماتى وبلىسىندا پويىز شويىن جول بويىندا تۇرعان اۆتوبۋستى سوعىپ ءوتتى.

يندۋستريا جانە ينفراقۇرىلىمدىق دامۋ مينيسترلىگىنىڭ الدىن الا مالىمەتى بويىنشا، توتەنشە جاعداي "ەكاتەرينبۋرگ-الماتى" تاسجولىنىڭ 2449-شاقىرىمىندا شامالعان ستانتسياسىندا 15 قىركۇيەكتە ساعات شامامەن 19.20-دا بولعان.

"اۆتوبۋس جۇرگىزۋشىسى دىبىس بەلگىسىنە قاراماي، تەمىرجولعا شىعىپ كەتكەن. سالدارىنان پويىز اۆتوبۋستى سوققان", - دەپ حابارلادى يندۋستريا جانە ينفراقۇرىلىمدىق دامۋ ءمينيسترىنىڭ كەڭەسشىسى رۋسلان يمانقۇلوۆ.

ۆەدومستۆوداعىلاردىڭ ايتۋىنشا، وقيعانىڭ ءمان-جايى انىقتالۋدا.

سوڭعى جاڭالىقتار