15 قىركۇيەك, 17:13 471 0 سپورت انار لەپەسوۆا

قازاقستاندىق بوكسشى جەڭىلىپ كورمەگەن امەريكالىقتى نوكاۋتقا جىبەردى

جەڭىلىپ كورمەگەن امەريكالىق بوكسشى يسيدرو وچوانى قازاقستاندىق قارسىلاسى ەسكەندىر حارسان تەحنيكالىق نوكاۋتپەن جەڭدى، دەپ حابارلايدى Vesti.kz.

ولاردىڭ جەكپە-جەگى اقش-تىڭ نەۆادا شتاتى لاس-ۆەگاس قالاسىنداعى T-Mobile ارەناسىندا ءوتتى. بۇل بوكس كەشىنىڭ باستى كەزدەسۋىندە ۇلىبريتانيالىق تايسون فيۋري مەن شۆەتسيالىق وتتا ۆاللينمەن جۇدىرىقتاساتىن بولادى.

اسا جەڭىل سالماقتا جۇدىرىقتاسقان حارسان مەن وچوا كەزدەسۋى سەگىز راۋندقا ەسەپتەلگەن. الايدا قازاقستاندىق بوكسشى قارسىلاسىن بەسىنشى راۋندتا نوكداۋنعا جىبەرگەن، ۇزىلىستە تانىمال باپكەرى روبەرتو گارسيا ءوز بوكسشىسىن جارىستان شىعارىپ الدى.

22 جاستاعى حارسان وسىمەن جەتىنشى كەزدەسۋ وتكىزىپ، بارلىق جەكپە-جەكتە جەڭىمپاز (التى نوكاۋت) اتاندى، ال ونىڭ قۇرداسى وچوا سپورتتىق مانسابىندا العاش رەت جەڭىلدى. حارسان سپورتتىق مانسابىن 2017 جىلدىڭ شىلدەسىندە باستادى. جەتى جەكپە-جەكتىڭ التاۋىن ول اقش-تا وتكىزدى، ال بيىل ناۋرىز ايىندا الماتىدا ونەر كورسەتىپ، قازاقستاندا ءبىرىنشى رەت ونەر كورسەتتى. قازىر ول WBC InterContinental ەكىنشى دارەجەلى تيتۋلىنىڭ "جاستار" تۇجىرىمى بويىنشا چەمپيوندىق بەلبەۋگە يە.

وچوا حارسانعا قارسى جەكپە-جەك وتكىزۋ ءۇشىن كاليفورنيا شتاتىنان ءبىرىنشى رەت شىقتى. كاسىپقوي بوكستا امەريكاندىق 2016 جىلدىڭ جەلتوقسانىنان باستاپ ونەر كورسەتىپ كەلەدى. ايتا كەتەيىك، حارسان بيىل ۇلىبريتانيالىقي MTK Global مەنەدجەرلىك كومپانياسىنىڭ قازاقستاندىق فيليالىمەن كەلىسىمشارتقا قول قويدى.

سوڭعى جاڭالىقتار