13 قىركۇيەك, 12:17 510 0 الەۋمەت انار لەپەسوۆا

اتىراۋدا سۋ جاڭا وقۋلىقتار جاۋىننىڭ استىندا قالدى

اتىراۋدا سۋ جاڭا وقۋلىقتار جاڭبىر سۋىنىڭ استىندا قالدى. باسپادان ەندى شىققان كىتاپتاردى بولمەك بوپ، قالاداعى №2 ورتا مەكتەپكە تۇسىرگەن. الايدا اۋا-رايىن ەشكىم قاپەرگە الماعان سەكىلدى. الەۋمەتتىك جەلى قولدانۋشىسى تاراتقان ۆيدەودان كەيبىر كىتاپتاردىڭ بۋماسىمەن سۋ بەتىندە جاتقانىن كورۋگە بولادى. قوراپتارى بالشىققا بىلعانعان. بىراق وعان قاراپ جاتقان كىتاپحاناشىلار جوق. بۇلىنگەن وقۋلىقتاردى ءاي-شايعا قاراماي، كولىككە تيەپ جاتىر، دەپ حابارلايدى «استانا» تەلەارناسى.

كلارا قاراجانوۆا، كىتاپحاناشى:

ۋاقىتشا جاڭبىر جاۋدى، كوپ كىتاپ سۋعا كەتكەن بولۋى كەرەك. قولىمىزعا ءالى ۇستاعان جوقپىز. جاڭا تەحنولوگيا، بارلىق دامىپ وتىرعان زاماندا، قانداي زاماندا، سوعىستىڭ زامانىندا دا مىناداي دارەجەنى، قۇلدىق ءداۋىردى كورگەن جوقپىن. ەستىگەن دە جوقپىن. كىتاپحاناشى ەمەس، بۇكىل حالىق بولىپ، سەزوننىي، ۋاقىتشا ءبىر مەكەمە قۇرۋ كەرەك.

بىراق قالا اكىمىنىڭ ورىنباسارى "كىتاپتار بۇلىنگەن جوق، بيۋدجەتكە ءبىر تيىن دا شىعىن كەلمەدى" دەدى. شەنەۋنىك  كىتاپتىڭ كەشىگۋى تاسىمالداۋعا جاۋاپتى بولعان «تەمىرجولسەرۆيس» كومپانياسىنىڭ كىناسى دەپ وتىر.

 ۇلىقبەك تىناليەۆ، اتىراۋ قالاسى اكىمىنىڭ ورىنباسارى:

تاڭەرتەڭ شىعارىپ قويعان دايىنداپ. ماشينالار وتگرۋزكا جاساپ جاتىر. بىرنەشە رەيسپەن. سول كەزدە جاڭبىردىڭ كەسىرىنەن كەيبىر كىتاپتار سۋ بوپ قالدى. ەشقانداي كەلەڭسىز جاعداي دەپ ايتۋعا بولمايدى. قازىرگى تاڭدا الەۋمەتتىك جەلىگە كورىنگەن زاتتىڭ نارسەنى سالا بەرەدى. ول جەردە ەشقانداي شىعىن كەلتىرىلگەن جوق.

سوڭعى جاڭالىقتار