13 قىركۇيەك, 11:42 489 0 سپورت ءTúrkىstan International Political Weekly

قازاقتىڭ قارادومالاقتارى «رەال مادريد» ويىنشىلارىمەن كەزدەسەدى

الماتىدا BAURZHAN قايىرىمدىلىق قورىنىڭ ۇيىمداستىرۋىمەن بالالار ءۇيى تاربيەلەنۋشىلەرىنىڭ اراسىندا فۋتبولدان رەسپۋبليكالىق تۋرنير وتۋدە. ەلىمىزدىڭ 10 ايماعىنان كەلگەن 12 كوماندا «ارمانىڭا ۇمتىل» قايىرىمدىلىق قورىنىڭ چەمپيونى اتانۋعا بارىن سالىپ جاتىر.

ويتكەنى ۇزدىك دەپ تانىلعان كوماندا يسپانياعا بارۋعا جولداما الادى. ونىمەن قويماي اتاقتى «سانتياگو بارنابەو» ستاديونىن كورىپ، كوپشىلىك كوزايىمىنا اينالعان «رەال مادريد» ويىنشىلارىمەن كەزدەسەدى. قازاقستان فۋتبول فەدەراتسياسى مەن قر بعم بالالاردىڭ قۇقىقتارىن قورعاۋ كوميتەتى مۇرىندىق بولعان شارا وسىمەن جەتىنشى جىل قاتارىنان ءوت­كىزىلۋدە. وسىعان دەيىن جە­ڭىس­­­كە جەتكەن بالالار ءۇيى­نىڭ ءتار­بيەلەنۋشىلەرى ءار جىلدارى «بارسەلونا»، «ميلان»، «باۆاريا»، «اتلەتيكو مادريد»، «چەل­سي»، «پاري سەن-جەرمەن» كلۋبتارىنا بارىپ، مەسسي، روبەن، توررەس، نەيمار سەكىلدى تالانتتى ويىنشىلارمەن كەزدەسكەن. بيىلعى جەتكىنشەكتەر­دىڭ ارمانى ورىندالسا سەر­حيو راموس، لۋكا مودريچ، يسكو، توني كرووس، ەدەن ازار سىندى «رەال جۇلدىزدارىمەن» جۇزبە-ءجۇز وتىرىپ سۇحباتتاسپاق. ۇيىمداستىرۋشىلاردىڭ سوزىنشە رەسپۋبليكانىڭ تۇك­پىر-تۇكپىرىندەگى بالالار ءۇيى­نىڭ تاربيەلەنۋشىلەرى وسى تۋر­نير­دى اسىعا كۇتەتىن كورىنەدى. ويتكەنى اتا-انا قامقورلىعىنسىز قالعاندار فۋتبول ارقىلى ءوز ارماندارىنىڭ ورىندالاتىنىنا شەك­سىز سەنىم­مەن كەلەدى.

سوڭعى جاڭالىقتار