12 قىركۇيەك, 16:52 229 0 جاڭالىقتار Túrkistan Gazeti

ەلوردادا «ادامي ولشەم بويىنشا ديالوگ الاڭىنىڭ» كەزەكتى وتىرىسى ءوتتى

سىرتقى ىستەر مينيسترلىگىندە ەرەكشە تاپسىرمالار جونىندەگى ەلشىسى ۇسەن سۇلەيمەننىڭ توراعالىعىمەن كونسۋلتاتيۆتىك-كەڭەسشى ورگاننىڭ (ككو) «ادامي ولشەم بويىنشا ديالوگ الاڭى» كەزەكتى وتىرىسى ءوتتى. بۇل تۋرالى ءسىم ءباسپاسوز قىزمەتى حابارلادى.

وتىرىسقا پارلامەنت ءماجىلىسىنىڭ دەپۋتاتتارى، مەملەكەتتىك ورگاندار، ۇكىمەتتىك ەمەس سەكتور جانە حالىقارالىق ۇيىمداردىڭ وكىلدەرى قاتىستى.

وتىرىستىڭ اشىلۋىندا ۇ. سۇلەيمەن قاتىسۋشىلارعا پرەزيدەنتتىڭ قازاقستان حالقىنا جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىن بەكىتۋ تۋرالى، ونىڭ ىشىندە ازاماتتىق قوعامدى ودان ءارى دامىتۋ جونىندە بىرقاتار ناقتى شارالاردى قاراستىراتىن اقپارات بەردى.

ككو قاتىسۋشىلارى ازاماتتىق قوعامنىڭ قازاقستان مەملەكەتتىك ورگاندارىمەن ءوزارا ءىس-قيمىل فورمالارىن جەتىلدىرۋ ماسەلەلەرى مەن پەرسپەكتيۆالارىن، ۇلتتىق قۇقىق قورعاۋ تەتىكتەرىن ودان ءارى نىعايتۋ مۇمكىندىگىن، امبەباپ كەزەڭدىك شولۋ شەڭبەرىندە بۇۇ ادام قۇقىقتارى جونىندەگى كەڭەسىنىڭ ۇسىنىمدارىن ىسكە اسىرۋ قورىتىندىلارىن تالقىلادى. سونىمەن قاتار، قازاقستاندا ءومىر ءسۇرۋ قۇقىعىن قامتاماسىز ەتۋ ماسەلەلەرى تۋرالى زەرتتەۋدىڭ تۇساۋكەسەرى ءوتتى.

كۇن تارتىبىندەگى بارلىق تارماقتاردى تالقىلاۋ مەملەكەتتىك ورگاندار مەن ۇكىمەتتىك ەمەس ۇيىمداردىڭ بەلسەندى قاتىسۋىمەن ءوتتى. بۇل ەكى تاراپتىڭ اشىق جانە پاندىك ديالوگ پەن ىنتىماقتاستىققا دايىن ەكەندىگىن تاعى دا كورسەتتى.

ازاماتتىق سەكتور ۇكىمەتتى شتاتتى كەڭەيتۋ جانە ادام قۇقىقتارى مەن بالا قۇقىقتارى جونىندەگى ومبۋدسمەندەردىڭ قىزمەتىن قارجىلاندىرۋدى ۇلعايتۋ مۇمكىندىگىن قاراستىرۋعا شاقىردى.

وتىرىس قورىتىندىسى بويىنشا قاتىسۋشىلار ككو مەن ۇلتتىق قوعامدىق سەنىم كەڭەسى اراسىنداعى قىزمەتتى ۇيلەستىرۋ قاجەتتىلىگى تۋرالى ۋاعدالاستى.

ايتا كەتۋ كەرەك، ككو «ادامي ولشەم بويىنشا ديالوگ الاڭى» ءسىم جانىندا 2013 جىلدان باستاپ جۇمىس ىستەيدى جانە قازاقستاندىق ۇەۇ، حالىقارالىق ۇيىمدار مەن قر مەملەكەتتىك ورگاندارىنىڭ كەڭ اۋقىمىن تارتا وتىرىپ، قۇقىق قورعاۋ تاقىرىبىنىڭ اسا وزەكتى ماسەلەلەرىن تالقىلاۋ جانە بىرلەسكەن شەشىمدەر ازىرلەۋ ءۇشىن الاڭ ۇسىنادى.

سوڭعى جاڭالىقتار