12 قىركۇيەك, 15:53 255 0 جاڭالىقتار Túrkistan Gazeti

قر پرەزيدەنتى Alibaba كومپانياسىنىڭ نەگىزىن قالاۋشى دجەك مامەن كەزدەستى

قازاقستان پرەزيدەنتى قاسىم-جومارت توقاەۆ حانچجوۋعا ساپارى اياسىندا Alibaba شتاب-پاتەرىنىڭ جاڭا كومپۋسىن ارالاپ كورىپ، ونىڭ دامۋ تاريحىمەن، قىزمەتىمەن تانىستى، دەپ حابارلايدى قازاقپاراتتىڭ قىتايداعى تىلشىسى.

ودان كەيىن مەملەكەت باسشىسى Alibaba كومپانياسىنىڭ نەگىزىن قالاۋشى دجەك مامەن كەزدەستى. ەكەۋارا سالەمدەسۋدەن كەيىن قاسىم-جومارت توقاەۆ قىتاي حالىق رەسپۋبليكاسى قۇرىلۋىنىڭ 70 جىلدىق، Alibaba كومپانياسىنىڭ 20 جىلدىق مەرەيتويلارمەن قۇتتىقتادى.

ءوز كەزەگىندە دجەك ما قر پرەزيدەنتى قاسىم-جومارت توقاەۆقا قۇتتىقتاۋى ءۇشىن ريزاشىلىعىن ءبىلدىردى.

«قازاقستاندا 5 رەت بولدىم. قازاقستاننىڭ مادەنيەتى مەن حالقىن جاقسى كورەمىن. ول جاقتا مەنىڭ دوستارىم كوپ. بوس ۋاقىتىمدى سىزدەردىڭ استانالارىڭىزدا وتكىزگەن ۇنايدى»، - دەپ اتاپ ءوتتى ول.

Alibaba Group  - ينتەرنەت-كوممەرتسيا سالاسىندا جۇمىس ىستەيتىن جاھاندىق كومپانيا. شتاب-پاتەرى حانچجوۋ قالاسىندا ورنالاسقان. قىزمەتىنىڭ نەگىزگى ءتۇرى - B2B سىزباسى بويىنشا كومپانيالار اراسىنداعى ساۋدا وپەراتسيالارى جانە بولشەك ونلاين-ساۋدا. Alibaba.com ينتەرنەت-سايتى بار. 2019 جىلدىڭ باسىندا كومپانيانى كاپيتالداندىرۋ 18 پايىزعا ارتىپ، 421,9 ملرد دوللارعا دەيىن جەتتى. 2019 جىلدىڭ 10 قىركۇيەگىندە 55 جاسقا تولعان دجەك ما سول كۇنى الەمدەگى ەڭ ءىرى كومپانيانىڭ باسشىسى قىزمەتىنەن كەتتى.

تەگتەر دجەك ما

سوڭعى جاڭالىقتار