12 قىركۇيەك, 12:06 744 0 جاڭالىقتار "تۇركىستان" گازەتىنىڭ اۆتورلارى

تاريحي جادتى جاڭعىرتۋ – مەملەكەت ساياساتى

مەملەكەت باسشىسى قاسىم-جومارت توقاەۆتىڭ قازاقستان حالقىنا جولداۋىندا ەلىمىزدىڭ رۋحاني الەمىن جاڭ­عىر­تۋعا قاتىستى ماسەلەلەر جايىندا جاقسى ايتىلعان.

حالىقتىڭ رۋحاني دۇنيەسىندە ۇلت­تىڭ مەرەيىن كوتەرەر، تاريحي جادىن جاڭعىرتار جاڭالىقتار بولىپ تۇر­ماسا، ەلدىڭ رۋحى كوتەرىلمەسى انىق. ال ەلدىڭ رۋحى دەگەنىمىز مەملەكەتتىڭ جان-جاقتى دامۋى ءۇشىن باستى قوزعاۋشى كۇشتىڭ ءبىرى.

جولداۋدا ماعان ەرەكشە اسەر ەتكەن نارسەلەردىڭ ءبىرى – قازاق حالقىنىڭ ۇلى تۇلعالارىنا قاتىستى الداعى ۋا­قىتتا وتكىزىلەتىن شارالاردى ارنايى اتاپ ءوتۋى تۋرالى ايتىلعان ويلار بولدى.

ەلىمىزدە ەندى عانا دامىپ كەلە جاتقان سالانىڭ ءبىرى – تۋريزم يندۋس­ترياسى. جولداۋدا بۇل سالانى دامىتۋ جايىن ايتا كەلىپ، قاسىم-جومارت توقاەۆ: «ءتۋريزمدى، اسىرەسە ەكوتۋريزم مەن ەتنوتۋريزمدى دامىتۋعا ەكونو­مي­كانىڭ ماڭىزدى سالاسى رەتىندە باسا ءمان بەرۋ قاجەت. التىن وردانىڭ 750 جىلدىعىن ءتول تاريحىمىزعا، مادەنيە­تى­مىز بەن تابيعاتىمىزعا تۋريستەر نازارىن اۋدارۋ تۇرعىسىنان اتاپ وتكەن ءجون»، – دەپ، تۋريزم ماسەلەسىن قوزعاي وتىرىپ، ءتۇپ-باستاۋى ارىدا جاتقان قازاق مەملەكەتتىگىن ەسكە سالىپ، تاريحي جادتى جاڭعىرتىپ وتىرۋدى كوز­دەي­دى. ەندەشە تاريحي تامىرىمىزدى بۇگىنمەن جالعاپ وتىرۋدا سانالى تۇردە ەڭبەك ەتىپ، ولشەۋسىز تەر توگىپ جاتقان كىتاپحانا، مۋزەي، تەاتر قىزمەت­كەر­لەرىنە قا­تىستى ماسەلەنى دە جادىنان شى­عار­ماي، ولاردىڭ ەڭبەكاقىسىن كوتەرۋ جايىندا ماسەلە كوتەرگەن جولداۋدىڭ قازىرگى كەز­دە قوعامداعى ەڭ باستى قۇجاتىمىز بولىپ وتىرعانى كوڭىل قۋانتادى.

كۇنقوجا قايرۋللا،

قۇرمانعازى اتىنداعى قازاق ۇلتتىق

كونسەرۆاتورياسىنىڭ وقىتۋشىسى

سوڭعى جاڭالىقتار