11 قىركۇيەك, 17:08 556 0 جاڭالىقتار Túrkistan Gazeti

«جىبەك جولى – ديالوگ جولى» ءتۋريزمدى دامىتۋ جونىندەگى حالىقارالىق ەكسپەديتسيا اياقتالدى

بۇگىن قازاقستان ەلورداسىندا «جىبەك جولى – ديالوگ جولى» حالىقارالىق ەكسپەديتسياسىنىڭ اياقتالۋىنا وراي «QazaqGeography» رەسپۋبليكالىق قوعامدىق بىرلەستىگى الاڭىندا ءباسپاسوز كونفەرەنتسياسى ءوتتى. بۇل تۋرالى primeminister.kz حابارلادى.

جيىندا «Kazakh Tourism» ۇلتتىق كومپانياسى» اق توراعاسىنىڭ ورىنباسارى ت. دۇيسەنعاليەۆ، ەكسپەديتسيا جەتەكشىسى ءا. احمەدجانوۆ، ەكسپەديتسيا قاتىسۋشىلارى: ساياحاتشى جانە «Nomad 4X4» كومپانياسىنىڭ نەگىزىن قالاۋشى ق. ساعناەۆ، «حابار 24» تەلەارناسىنداعى «دارحان دالا» اۆتورلىق جوباسىنىڭ جۇرگىزۋشىسى ج. راحمەت، QazaqGeography اقپاراتتىق جارىقتاندىرۋ جونىندەگى باس مەنەدجەرى ا. جۇماتاەۆا ءسوز سويلەدى.

ەكسپەديتسيا قۇرامى كەلەسى باعىت بويىنشا ءجۇرىپ ءوتتى: الماتى ق. – ۇاك – ەسىك – شارىن – كولساي – قاراقول – كاجى-ساي – توكموك – سۋسامىر – تالاس – تاراز – اقمەشىت ۇڭگىرى – ساۋران – تۇركىستان – ارىستانباب – وتىرار – شىمكەنت – تاشكەنت – سامارقان – قازىعۇرت – مەركە – تاڭبالى – الماتى ق.

تاشكەنتتتەگى حاست-يمام الاڭى

جوبانىڭ نەگىزگى ماقساتى – ەكسپەديتسيا كەزىندە تۋريستىك نىسانداردى تىزبەكتەۋ، ينفراقۇرىلىمدى جاقسارتۋ بويىنشا ۇسىنىستار ەنگىزۋ جانە جاڭا تۋريستىك باعىتتاردى قۇرۋ ارقىلى ىشكى جانە سىرتقى ءتۋريزمنىڭ الەۋەتىن دامىتۋ بولدى جانە ترانسشەكارالىق مارشرۋتتاردى دامىتۋ.

ەكسپەديتسيا قۇرامى قازاقستان، قىرعىزستان جانە وزبەكستان باعىتىنان تۇراتىن ون ءۇش كۇندىك ەكسپەديتسيادا بولدى. قاتىسۋشىلار قۇرامى بىلىكتى جۋرناليست، فوتوگراف، تەلەارنالار ءتۇسىرىلىم توبى، تۋريستىك بلوگەرلەر مەن تۋروپەراتورلاردان تۇردى. ساپاردىڭ ناتيجەسى بويىنشا ەلىمىزدىڭ تابيعي نىساندارى بويىنشا جاڭا تۋريستىك باعىتتار، ساپالى فوتو-جانە ۆيدەوبانكتەر قۇرىلدى. ولاردىڭ قازىرگى جاعدايى تۋرالى وزەكتى اقپارات الىنىپ، يلليۋستراتسيالانعان جولنۇسقا جاسالدى. بۇل اقپارات كورشىلەس قىرعىزستان، وزبەكستان جانە وتاندىق تۋروپەراتورلارعا بەرىلەتىن بولادى.

اتالمىش ەكسپەديتسيا «رۋحاني جاڭعىرۋ» باعدارلاماسى اياسىندا قازاقستاننىڭ مادەني-گەوگرافيالىق وبەكتىلەرىنىڭ تۋريستىك الەۋەتىن پايدالانۋ مىندەتىن تولىق جۇزەگە اسىرىلۋىنا ەداۋىر ۇلەس قوساتىندىعىن اتاپ وتكەن ءجون. سونىمەن قاتار، ەلباسىنىڭ «ۇلى دالانىڭ جەتى قىرى» ماقالاسىندا دا العا قويىلعان مىندەتتەردى ورىنداۋعا ىقپال ەتەدى.

سوڭعى جاڭالىقتار