11 قىركۇيەك, 20:33 452 0 جاڭالىقتار Túrkistan Gazeti

پرەزيدەنت قاسىم-جومارت توقاەۆ قحر مەملەكەتتىك كەڭەسىنىڭ پرەمەرى لي كەتسيانمەن كەزدەستى

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى قحر مەملەكەتتىك كەڭەسىنىڭ پرەمەرىنە قوناقجايلىلىعى مەن جىلى قابىلداۋى ءۇشىن العىس ءبىلدىرىپ، ءوزىنىڭ قىتايعا قازاقستان پرەزيدەنتى رەتىندەگى تۇڭعىش ساپارى قحر-نىڭ قۇرىلعانىنا 70 جىل تولۋىنا ارنالعان مەرەيتويمەن تۇسپا-تۇس كەلگەنىن اتاپ ءوتتى. وسى ورايلى ساتتە، قاسىم-جومارت توقاەۆ لي كەتسياندى جانە دوستاس قىتاي حالقىن مەرەيلى مەرەكەمەن قۇتتىقتادى.

قازاقستان پرەزيدەنتى ەكى ەل اراسىنداعى قارىم-قاتىناس قارقىندى دامىپ كەلە جاتقانىن، ەكىجاقتى ارىپتەستىك بارىسىندا ساۋدا-ەكونوميكالىق، كولىكتىك-لوگيستيكالىق الەۋەتتە كوپتەگەن ناتيجەلەرگە قول جەتكەنىن ايتتى. مەملەكەت باسشىسى قازاقستان مەن قىتاي اراسىنداعى ساۋدا-ەكونوميكالىق ىنتىماقتاستىقتىڭ دامۋىنا وڭ باعا بەردى.

ءوز كەزەگىندە لي كەتسيان قاسىم-جومارت توقاەۆتىڭ قحر-عا ساپارى قازاقستان-قىتاي بايلانىستارىن ودان ءارى نىعايتۋعا زور سەپتىگىن تيگىزەتىنىن اتاپ ءوتتى.

سوڭعى جاڭالىقتار