10 قىركۇيەك, 21:28 211 0 جاڭالىقتار Túrkistan Gazeti

موڭعوليانىڭ بايان-ولگەي ايماعىندا قازاقستان ادەبيەتى مەن مادەنيەتى ورتالىعى اشىلدى

بۇل تۋرالى ۇلتتىق اكادەميالىق كىتاپحانانىڭ ءباسپاسوز قىزمەتى حابارلادى.

ءىس-شارا بارىسىندا ەكى مەملەكەتتىڭ كىتاپحانالارى اراسىندا مەموراندۋمعا قول قويىلدى.

ورتالىققا قازاقستاننىڭ ساياساتى، ەكونوميكاسى، تاريحى، تابيعاتى، سالت-ءداستۇرى جانە ت.ب. تاقىرىپتاعى 200 دانا كىتاپ دايىندالدى. سونداي-اق، «اتاجۇرتتان رۋحاني تارتۋ»  جوباسى بويىنشا «وتانداستار» قورى مەن «فوليانت» باسپاسى اتىنان 500 داناعا جۋىق كىتاپ كەرۋەنى باردى.

حالىقارالىق جوبانىڭ ماقساتى  – شەت ەلدە قازاق ادەبيەتىن تانىمال ەتۋ، قازاقستاندىق اۆتورلاردى جاھاندىق ادەبي ۇردىسكە ينتەگراتسيالاۋ، قازاق حالقىنىڭ تاريحى مەن مادەنيەتىن،  سالت-داستۇرلەرىن، ساياساتىن، الەۋمەتتىك سالانى، كلاسسيكالىق جانە زاماناۋي پروزا مەن پوەزيانىڭ ادەبي بايلىعىن دامىتۋ.ءبىز كازىر بۇل كىتاپحانالارمەن تىعىز بايلانىستامىز، بىرلەسكەن ءىس-شارالار وتكىزىپ، تاعى دا باسقا جوسپارلاردى جۇزەگە اسىرۋدامىز.

2016 جىلدان باستاپ قازاقستان رەسپۋبليكاسى ۇلتتىق اكادەميالىق كىتاپحاناسى الىس-جاقىن شەتەلدەردىڭ ۇلتتىق كىتاپحانالارىندا «قازاقستان ادەبيەتى مەن مادەنيەتى ورتالىقتارىنىڭ  اشىلۋى حالىقارالىق جوباسى ءبىزدىڭ كىتاپحانانىمىزدىڭ باسشىسى ءۇمىتحان داۋرەنبەكقىزىنىڭ يدەياسىمەن، قازاقستان رەسپۋبليكاسى مادەنيەت جانە سپورت مينيسترلىگىنىڭ، قازاقستان رەسپۋبليكاسى سىرتقى ىستەر مينيسترلىگىنىڭ جانە قازاقستان رەسپۋبليكاسىنىڭ شەت ەلدەردەگى ەلشىلىكتەردىڭ قولداۋىمەن جۇزەگە اسۋدا.

ايتا كەتسەك، بۇگىنگى تاڭدا الەمنىڭ 31 ەلىندە كورەيا، قىرعىز رەسپۋبليكاسى، فينليانديا، ۆەنگريا، رەسەي فەدەراتسياسى، ارمەنيا، مالايزيا، تۇركيا، قىتاي، گرۋزيا، فرانتسيا، جاپونيا، شۆەتسيا، ماكەدونيا، بولگاريا، چەحيا، يتاليا، اقش (نيۋ - يورك كوپشىلىك كىتاپحاناسى جانە كونگرەسس كىتاپحاناسى) ياكۋتيا رەسپۋبليكاسى، چۋۆاش رەسپۋبليكاسى، رۋمىنيا، يران، ارگەنتينا، برازيليا، ۋدمۋرتيا، گەرمانيا، يسپانيا، وزبەكستان  كىتاپحانالارىندا ورتالىقتار اشىلىپ، جۇمىس ىستەۋدە. ورتالىقتىردىڭ اشىلۋ بارىسىندا «ءوزارا تۇسىنىستىك جانە ىنتىماقتاستىق تۋرالى» مەموراندۋمدارعا قول قويىلدى، سونىڭ اياسىندا ادەبيەتتەرمەن، تاجىريبە الماسۋ جانە ەلەكتروندى كىتاپحانالارىنا قولجەتىمدىلىك ورناتىلدى.

سوڭعى جاڭالىقتار