11 قىركۇيەك, 13:06 413 0 تەحنولوگيالار ءTúrkىstan International Political Weekly

iPhone 11: ەرەكشەلىگى نە، باعاسى قانشا؟

10 قىركۇيەكتە Apple كومپانياسى iPhone (iPhone 11, 11 Pro جانە 11 Pro Max) جاڭا مودەلدەرىن، Apple Watch جانە iPad تانىستىرىلىمىن وتكىزدى.

پرەزەنتاتسيا كومپانيانىڭ كاليفورنياداعى شتاب-پاتەرىندە ءوتتى جانە Apple سايتىندا ترانسلياتسيالاندى.

iPhone 11 6,1 ديۋيمدەگى Liquid Retina ديسپلەيى ورناتىلعان. ارتقى پانەلدە - 12 مەگاپيكسەلدەن ەكى كامەراسى بار. كامەرالار قاراڭعىدا دا سۋرەتكە تۇسىرە الادى. الدىڭعى كامەرا دا 12 مەگاپيكسەل. سمارتفون پروتسەسسورى - ا13 Bionic - قۇراستىرۋشىلاردىڭ ايتۋىنشا، بۇل نارىقتاعى ەڭ جىلدام پروتسەسسور. بارلىق يادرونىڭ جىلدامدىعى شامامەن 20 پايىزعا ارتقان، نەيروجەلىلەرمەن جۇمىس ىستەۋ ءۇشىن ارنايى بلوك قوسىلعان. iPhone 11 64, 128 جانە 256 گب جادى بار كۇلگىن، جاسىل، سارى، قارا، اق جانە PRODUCT (RED) تۇستەرىمەن شىعادى. IPhone 11 باعاسى - 699 دوللاردان باستالادى.

iPhone 11 Pro جانە 11 ProMax - Apple جەلىسىندەگى ارتقى بولىگىندە ءۇش كامەراسى بار العاشقى سمارتفوندار. بارلىق كامەرالار - 12 مپ. ءاربىر وبەكتيۆ - وزىندىك فۋنكتسياسى بار.  جاڭا iPhone كامەراسىندا فوتو ءتۇسىرۋ ءۇشىن نەيروجەلىلەر جۇمىس ىستەيدى. سمارتفون ءبىر سۋرەتتى جاساۋ ءۇشىن توعىز ءتۇرلى كادر جاسايدى، تورتەۋى - تۇيمەنى باسقانعا دەيىن. ولاردىڭ ىشىندە قورىتىندى سۋرەتتە ەڭ كوپ بولشەكتەردى ساقتاۋ ءۇشىن بىرىڭعاي سۋرەتتى جينايدى.

11 Pro جانە 11 Pro Max ءتورت تۇسپەن شىعادى: قارا-جاسىل، كۇمىس، التىن جانە "سۇر عارىش". جادى - 64 گب، 256 گب جانە 512 گب بولادى. IPhone 11 Pro باعاسى - 999 دوللاردان باستالادى. 11 Pro Max - 1099 دوللار.

جاڭا iPhone XR مودەلدەرى نارىققا شىعۋمەن iPhone 8 ەكى ۇلگىسىمەن بىرگە ساتىلىمدا قالادى، ال XS سەرياسى مودەلدىك قاتاردان جويىلادى.

الەم بويىنشا جاڭا گادجەتتەردى ساتۋ 20 قىركۇيەكتە باستالادى.

سوڭعى جاڭالىقتار