10 قىركۇيەك, 17:11 177 0 جاڭالىقتار Túrkistan Gazeti

جاستارعا جالعا بەرىلەتىن تۇرعىن ۇيگە قۇجاتتار قاشان قابىلدانادى؟

جاستارعا جالعا بەرىلەتىن تۇرعىن ۇيگە قۇجاتتار قاراشادان باستاپ قابىلدانادى. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا جاستار جانە وتباسى ىستەرى كوميتەتىنىڭ توراعاسى ماديار قوجاحمەت مالىمدەدى.

جالعا بەرىلەتىن تۇرعىن ءۇيدى الۋ قۇقىعىنا 29 جاسقا تولماعان جالپى ءبىلىم بەرەتىن مەكتەپتەردىڭ، تەحنيكالىق جانە كاسىپتىك، ورتا بىلىمنەن كەيىنگى جانە جوعارى جانە جوعارى وقۋ ورنىنان كەيىنگى ءبىلىم بەرۋدى جۇزەگە اسىراتىن قىزمەتكەرلەر الا الادى.

شارانى جاستار جىلى اياسىندا جۇزەگە اسىرماق. جالعا بەرىلەتىن تۇرعىن ءۇيدى بەرۋ ءتارتىبى 4 كەزەڭدى كوزدەيدى دەدى سپيكەرلەر. اتاپ ايتساق، نۇر-سۇلتان، الماتى جانە شىمكەنت قالالارى اكىمدىكتەرىنىڭ سايتتارىندا حابارلاندىرۋ جاريالاۋ، ۋاكىلەتتى ورگانعا قۇجاتتار ۇسىنۋ، ءوتىنىش بەرۋشىلەردىڭ بالىن ەسەپتەۋ دەدى.

«ساتىپ الۋ قۇقىعىنسىز جالعا بەرىلەتىن تۇرعىن ءۇي ەلىمىزدەگى باستى 3 قالادا جۇزەگە اسادى. نۇر-سۇلتان، الماتى قالالارىندا 1 050 پاتەر، شىمكەنت قالاسىندا 904 پاتەر بەرۋ جوسپارلانۋدا. جالداۋ اقىسى ايىنا 10 مىڭ تەڭگەنى قۇرايدى. بۇل جاستارعا بەس جىل ىشىندە اقشا جيناپ، ءوز ءۇيىن الۋعا مۇمكىندىك بەرەدى»، - دەدi ماديار قوجاحمەت.

سونداي-اق ساتىپ الۋ قۇقىعىنسىز جالعا بەرىلەتىن تۇرعىن ۇيلەردى نۇر-سۇلتان قالاسىنان الۋ ءۇشىن، بايقاۋ جاريالانادى. قاراشا ايىنان باستاپ قۇجاتتار قابىلدانادى.

بۇگىنگى تاڭدا تۇرعىن ۇيلەر جاڭا سالىنىپ، ينفراقۇرىلىمى تولىعىمەن قامتىلعان. بۇل تۋرالى نۇر-سۇلتان قالاسى اكىمدىگىنىڭ قوعامدىق دامۋ ءبولىمىنىڭ باستىعى تالعات راحمانبەردى ايتتى. اتالعان جوبا قر تۇڭعىش پرەزيدەنتى ن. نازارباەۆتىڭ جاستار جىلىنىڭ اشىلۋ سالتاناتىندا بەرىلگەن تاپسىرماسىنا سايكەس جۇزەگە اسىپ جاتىر.

سوڭعى جاڭالىقتار