10 قىركۇيەك, 17:04 176 0 جاڭالىقتار Túrkistan Gazeti

ەلىمىزدە 507 مىڭ ازاماتتىڭ 630 مىڭ نەسيەسى وتەلگەن

بۇل تۋرالى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى سۆەتلانا جاكۋپوۆا ورتالىق كوممۋنيكاتسيالار قىزمەتىندە ەل ازاماتتارىنىڭ بورىش جۇكتەمەسىن ازايتۋ شارالارىن حالىققا ءتۇسىندىرۋ ماقساتىندا  وتكەن ءباسپاسوز كونفەرەنتسياسىندا ايتتى.

ۆيتسە-ءمينيستردىڭ ايتۋىنشا بۇگىنگى تاڭدا ەلىمىزدە 507 مىڭ ازاماتقا 630 مىڭ نەسيە وتەلگەن. سەبەبى ءبىر ادامنىڭ باسىندا بىرنەشە بەرەشەك بولعان. ال وعان مەملەكەت ەسەبىنەن 105 ملرد 174 ملن تەڭگە بولىنگەن.

سونىمەن قاتار سۆەتلانا جاكۋپوۆا قازاقستان رەسپۋبليكاسى پرەزيدەنتىنىڭ 2019 جىلعى 26 ماۋسىمداعى جارلىعىنا سايكەس بانكتەر مەن ميكروقارجى ۇيىمدارىندا كەپىلسىز تۇتىنۋشىلىق قارىزدارى بار 5 ساناتتاعى ازاماتتار ءۇشىن ءبىر رەتتىك اكتسيا تارتىبىندە مەملەكەت جالپى كولەمى 300 مىڭ تەڭگەگە دەيىن نەگىزگى بورىشتى جانە ول بويىنشا ەسەپتەلگەن وتەماقىنى تولەيدى. 300 مىڭ تەڭگەدەن اساتىن قارىزى بارلار 300 مىڭ تەڭگە كولەمىندە قارىزىنىڭ ءبىر بولىگىن وتەيدى.

«بۇل رەتتە، ولاردىڭ جالپى قارىزى اعىمداعى جىلدىڭ 1 ماۋسىمىنداعى جاعداي بويىنشا 3 ميلليون تەڭگەدەن اسپاۋى ءتيىس»، - دەپ مالىمدەدى سۆەتلانا جاكۋپوۆا.

تەگتەر نەسيە

سوڭعى جاڭالىقتار