10 قىركۇيەك, 15:58 258 0 جاڭالىقتار Túrkistan Gazeti

قىتايداعى ەڭ باي ادام دجەك ما Alibaba Group باسشىلىعىنان كەتتى

دجەك ما Alibaba Group ديرەكتورلار كەڭەسىنىڭ توراعاسى قىزمەتىنەن كەتەدى. بۇل تۋرالى قازاقپارات ءتىلشىسى حابارلادى.

قىتايلىق باق-تىڭ حابارلاۋىنشا، مۇنى ول ءبىر جىل بۇرىن جاريالاعان. ديرەكتورلار كەڭەسىنىڭ توراعاسى لاۋازىمى قازىرگى باس ديرەكتور دانيەل چجانعا بەرىلەدى.

قىزمەتىنەن كەتكەن سوڭ دجەك ما Alibaba Group-ءتىڭ ديرەكتورلار كەڭەسىنىڭ مۇشەسى رەتىندە كومپانيانىڭ 2020 جىلعى جالپى جينالىسىنا دەيىن جۇمىسىن جالعاستىرادى. وسىدان كەيىن ول «Alibaba تۇراقتى سەرىكتەسى» قىزمەتىندە بولادى.

جوسپار بويىنشا بۇگىن كەشكە حانچجوۋدا Alibaba قۇرىلۋىنىڭ 20 جىلدىق مەرەيتويى وتەدى. سول راسىمدە ديرەكتورلار كەڭەسىنىڭ توراعاسى دجەك ما قىزمەتىن دانيەل چجانعا رەسمي تۇردە تاپسىرادى.

قازىرگى ۋاقىتتا Alibaba Group دجەك مانىڭ وتستاۆكاعا كەتەتىنى تۋرالى رەسمي اقپارات جاريالامادى.

دجەك ما نەمەسە ما يۋن - قىتاي كاسىپكەرى جانە فيلانتروپ. ول Alibaba Group تابىستى ينتەرنەت بيزنەس توبىنىڭ نەگىزىن قالاۋشى جانە اتقارۋشى توراعاسى، Forbes مۇقاباسىنا جاريالانعان العاشقى قىتايلىق كاسىپكەر.

تەگتەر دجەك ما

سوڭعى جاڭالىقتار