10 قىركۇيەك 2019, 14:18 574 0 ەكونوميكا انار لەپەسوۆا

تابىس سالىعىنان كىمدەر بوساتىلادى؟

ەلىمىزدە تابىس سالىعىنان قانداي كاسىپورىندار جانە قانداي مەرزىمدە بوساتىلادى؟ بۇل ساۋالعا بۇگىن ۇكىمەت وتىرىسىندا قارجى ءمينيسترى ءاليحان سمايىلوۆ جاۋاپ بەردى.

مەملەكەت باسشىسى قازاقستان حالقىنا جولداۋىندا بارلىق شاعىن جانە ورتا بيزنەس كاسىپورىندارىن تابىس سالىعىنان بوساتۋدى تاپسىرعانى ءمالىم. سالىقتىق پرەفەرەنتسيالار قاي كاسىپورىندارعا اسەر ەتەدى دەگەن سۇراققا مينيستر سالىق زاڭناماسىنا سايكەس جەكە كاسىپكەرلەر، 15 ادامعا دەيىن جالدامالى جۇمىس جاسايتىن، جىلدىق كىرىسى 30 مىڭ اەك-كە دەيىن نەمەسە جىلىنا شامامەن 76 ميلليون تەڭگەنى قۇرايتىن زاڭدى تۇلعالار دەپ جاۋاپ بەردى.

شاعىن بيزنەس دەگەنىمىز – شامامەن 300 ادامدى جۇمىسپەن قامتىعان كاسىپورىندار، ولاردىڭ جىلدىق شەكتى كىرىسى 300 مىڭ اەك-كە دەيىن، بۇل شامامەن جىلىنا 757 ملن.

«بۇل ۇيىمدار مەن جەكە ۇيىمدار تابىس سالىعىنان بوساتىلادى: بۇل جتس جانە كتس. جالپى، وتكەن جىلى بيۋدجەتكە ميكرو جانە شاعىن بيزنەستەن شامامەن 190 ميلليارد تەڭگە تولەندى. تيىسىنشە، ەگەر ءبىز وسىنداي كومپانيالار مەن جەكە كاسىپكەرلەردى بوساتاتىن بولساق، 2020 جىلعا بيۋدجەتتىڭ شىعىنى 200 ملرد. تەڭگەدەن اسادى. بىراق ءبىز بۇل شىعىنداردى سالىقتىق جانە كەدەندىك اكىمشىلەندىرۋدى جەتىلدىرۋ ارقىلى تولتىرۋدى جوسپارلاپ وتىرمىز»، – دەيدى ءا.سمايىلوۆ.

سوڭعى جاڭالىقتار