10 قىركۇيەك, 14:02 210 0 جاھان انار لەپەسوۆا

جاڭا تەلەفون الۋ ءۇشىن ەكى بالاسىن ساتقان انا قامالدى

قىتايدىڭ چجەتسزيان پروۆينتسياسىندا قارىزدارىنان قۇتىلۋ ءۇشىن جاڭا تۋعان بالالارىن ساتىپ جىبەرگەن انا قاماۋعا الىندى.

بالا ساۋداسى جايلى مامىلە 2018 جىلدىڭ قىركۇيەگىندە بولعان. ايەلدىڭ ايتۋىنشا، ول قارىزى مەن اقشاسىنىڭ جوقتىعىنان قىلمىسقا بارعان. بالالاردىڭ اكەسى ولاردان باس تارتىپ، قاشىپ كەتكەن. ال نەكەدەن تىس بوسانعاندىقتان ونىڭ اتا-اناسى كومەكتەسكىسى كەلمەپتى.

ايەلگە ەگىزدەر ءۇشىن 65 مىڭ يۋان (606 مىڭ رۋبل) بەرگەن. بالالاردىڭ تۋعان اكەسى وسىدان كەيىن عانا ورالىپ، اقشامەن ءبولىسۋدى تالاپ ەتەدى. ساتىلىمنان تۇسكەن اقشاعا ايەل ءوزىنىڭ قارىزدارىن تولەگەن. قالعان اقشاعا جاڭا ۇيالى تەلەفونعا الىپ، نەسيەسىن وتەپتى.

پوليتسيا بۇل وقيعانى جاقىندا باسقا ءبىر ءىستى تەرگەۋ كەزىندە انىقتادى. ساتىلعان بالالاردىڭ اناسى دا، اكەسى دە قاماۋعا الىندى. انحوي پروۆينتسياسىنداعى ەرلى-زايىپتىلاردان ەگىزدەردى تاۋىپ، تاربيەلەۋ ءۇشىن قىزدىڭ اتا-اناسىنا تاپسىردى.

سوڭعى جاڭالىقتار