10 قىركۇيەك, 10:42 167 0 جاڭالىقتار Túrkistan Gazeti

اسقار مامين: قازاقستان ەكونوميكاسىنىڭ ءوسىمى 8 ايدا 4,3% قۇرادى

پرەمەر-مينيستر اسقار ءماميننىڭ توراعالىعىمەن وتكەن قر ۇكىمەتىنىڭ سەلەكتورلىق وتىرىسىندا 2019 جىلعى قاڭتار–تامىزداعى ەلىمىزدىڭ الەۋمەتتىك-ەكونوميكالىق دامۋىنىڭ جانە رەسپۋبليكالىق بيۋدجەتتىڭ ورىندالۋىنىڭ قورىتىندىلارى قارالدى. بۇل تۋرالى primeminister.kz حابارلادى.

قر ۇلتتىق ەكونوميكا ءمينيسترى ر. دالەنوۆ، ۇلتتىق بانك توراعاسى ە. دوساەۆ جانە قر پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى ءا. سمايىلوۆ بايانداما جاسادى.

حالىقتىڭ جان باسىنا شاققانداعى ورتاشا اتاۋلى اقشالاي تابىسى 2019 جىلعى قاڭتار-مامىردا 486 مىڭ تەڭگەنى قۇرادى جانە 2018 جىلدىڭ سايكەس كەزەڭىمەن سالىستىرعاندا اتاۋلى مانىندە 10,8%-عا، ناقتى مانىندە 1,7%-عا ءوستى.

2019 جىلدىڭ قاڭتار-تامىز ايلارىندا ءجىو ءوسىمى 2018 جىلدىڭ سايكەس كەزەڭىمەن سالىستىرعاندا 4,3% قۇرادى.

قۇرىلىستا – 11,8%، ساۋدادا – 7,6%، كولىك سالاسىندا – 5,5%، اۋىل شارۋاشىلىعىندا – 3,6%، بايلانىس قىزمەتىندە – 3,4%، وڭدەۋ ونەركاسىبىندە، ونىڭ ىشىندە ماشينا جاساۋدا – 18%، جەڭىل ونەركاسىپتە – 17,4%، ءتۇستى مەتالداردى وندىرۋدە – 17,9%، مۇناي وڭدەۋ – 6,2% سالالارىندا وڭ ءوسىم ديناميكاسى بايقالادى.

ءۇشىنشى اي قاتارىنان ينفلياتسيا 0,2% تومەن دەڭگەيىندە ساقتالدى. جىلدىق ينفلياتسيا ماقساتتىق ءدالىز شەگىندە تۇر جانە 5,5% قۇرادى.

قر پرەمەر-ءمينيسترى اسقار مامين نەگىزگى كورسەتكىشتەر بويىنشا ەكونوميكالىق ءوسىم اتىراۋ، قاراعاندى، قىزىلوردا، تۇركىستان، شىعىس قازاقستان جانە سولتۇستىك قازاقستان وبلىستارىندا بايقالاتىنىن اتاپ ءوتتى.

ۇكىمەت باسشىسى ماڭعىستاۋ، قىزىلوردا، باتىس قازاقستان وبلىستارىندا، نۇر-سۇلتان جانە شىمكەنت قالالارىندا قۇرىلىس، ينۆەستيتسيالار، ونەركاسىپ، اۋىل شارۋاشىلىعى جانە تۇرعىن ۇيلەردى پايدالانۋعا بەرۋ كورسەتكىشتەرىنىڭ تومەندەۋىنە قاتىستى جاعدايدى قىسقا ۋاقىت ىشىندە تۇزەۋدى تاپسىردى.

«وتكەن اپتادا مەملەكەت باسشىسى قازاقستان حالقىنا جولداۋىن جاريالادى، وندا ەلباسىنىڭ ساياساتىمەن ساباقتاستىق كورىنىس تابادى جانە ۇكىمەتتىڭ ەكونوميكانى ودان ءارى دامىتۋعا باعىتتالعان بىرقاتار نەگىزگى مىندەتتەرى بەلگىلەنگەن. ۇكىمەتتىڭ باستى مىندەتى - ءجىو-ءنىڭ جىل سايىنعى تۇراقتى ءوسۋىن قامتاماسىز ەتۋ جانە ونى 2025 جىلعا قاراي 5% جانە ودان دا جوعارى دەڭگەيگە جەتكىزۋ»، — دەپ ا. مامين، سالالىق مينيسترلىكتەرگە بەلگىلەنگەن ماقساتتى ينديكاتورلارعا قول جەتكىزۋ جۇمىستارىن كۇشەيتۋدى تاپسىردى.

وسى جىلدىڭ سەگىز ايىنىڭ قورىتىندىسى بويىنشا رەسپۋبليكالىق بيۋدجەتكە كىرىستەر 6 958,3 ملرد تەڭگەنى قۇرادى (جوسپاردىڭ 101,1%), ءوسۋ قارقىنى 119,2% قۇرادى. ەسەپتى كەزەڭدەگى رەسپۋبليكالىق بيۋدجەتتىڭ يگەرىلۋى 98,9% قۇرادى.

بىرقاتار باعدارلاما اكىمشىلەرىنەن بايقالىپ وتىرعان بيۋدجەتتىڭ تولىق ورىندالماۋىنا بايلانىستى، قر پرەمەر-ءمينيسترى اسقار مامين بيۋدجەت قاراجاتتارىن ۋاقىتىلى يگەرۋدى قامتاماسىز ەتۋدى تاپسىردى

سوڭعى جاڭالىقتار