9 قىركۇيەك, 20:16 316 0 جاڭالىقتار ءTúrkىstan International Political Weekly

نۇروتاندىقتار ەلدى وزگەرتكىسى كەلەتىن ادامدار - ب.بايبەك

«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك «جاستار وتانعا!» جىل سايىنعى رەسپۋبليكالىق جاستار لاگەرىنىڭ قاتىسۋشىلارىمەن كەزدەستى.

كەزدەسۋ بارىسىندا جاستار ءۇشىن الەۋمەتتىك ليفتىلەر قۇرۋ، جۇمىسقا ورنالاسۋ، جاتاقحانا تاپشىلىعى، ءبىلىم سالاسىنداعى سىبايلاس جەمقورلىققا قارسى تۇرۋ سىندى ماسەلەلەر كوتەرىلدى.

باۋىرجان بايبەك لاگەر قاتىسۋشىلارى تاراپىنان تۋىنداعان ساۋالدارعا جاۋاپ بەرە كەلە «Nur Otan» پارتياسىن جۇيەلى جاڭعىرتۋ باعدارلاماسىنىڭ  نەگىزگى باعىتتارىنا توقتالىپ، ناعىز نۇروتاندىق قانداي بولۋى تيىستىگىنە قاتىستى ويىمەن ءبولىستى.

«Nur Otan» - بۇل تاۋلىك بويعى تۇسىنىك. سەن تەك ساعات 9-00-دەن 18-00-گە دەيىن عانا نۇروتاندىق بولا المايسىڭ. ايتپەسە بىزدە بۇگىن ءبىر نارسە، ەرتەڭ باسقاشا ايتاتىن كەيبىر دەپۋتاتتار بار. كىم باستىق ەكەندىگىنە بايلانىستى. بىزگە ونداي نۇروتاندىق كەرەك ەمەس. ولار ادامدارعا، ەلگە كومەكتەسۋ ءۇشىن كەلمەگەن. ولار لاۋازىمدى قىزمەت اتقارۋ جانە وزدەرىنىڭ ماسەلەلەرىن شەشۋ ءۇشىن كەلگەندەر. مىنە، سوندايلاردى انىقتاپ، پارتيا قاتارىن تازارتۋ قاجەت. نۇروتاندىقتار ەلدى وزگەرتكىسى كەلەتىن، ونى جاقسارتا تۇسكىسى كەلەتىن ادامدار بولۋى ءتيىس«، - دەدى باۋىرجان بايبەك.

سونىمەن قاتار، ول پارتيا ليدەرى، ەلباسى نۇرسۇلتان نازارباەۆ «قازاقستاننىڭ بولاشاعى – بۇگىنگى جاستار» دەپ جاس بۋىنعا ۇلكەن سەنىم ارتىپ وتىرعانىن، ەل پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا جاستارعا بەرىلەتىن ءبىلىم ساپاسىنا ايرىقشا نازار اۋدارىلعانىن ايتتى.

سوڭعى جاڭالىقتار