9 قىركۇيەك, 17:21 161 0 جاڭالىقتار Túrkistan Gazeti

قر ساۋدا جانە ينتەگراتسيا مينيسترلىگى online ساتىپ الۋشىلاردىڭ قۇقىقتارىن قورعاۋ شارالارىن كۇشەيتەدى

قازاقستاندا ەلەكتروندىق كوممەرتسيانى دامىتۋدىڭ 2019-2025 جىلدارعا ارنالعان جول كارتاسى بەكىتىلدى، ول 2025 جىلعا قاراي ەلەكتروندىق ساۋدانىڭ ۇلەسىن قازىرگى 2,9%-دان 5%-عا دەيىن ارتتىرۋعا مۇمكىندىك بەرەدى، دەپ حابارلادى قر ۇكىمەتىنىڭ الاڭىندا وتكەن ءباسپاسوز كونفەرەنتسياسىندا قر ساۋدا جانە ينتەگراتسيا ءمينيسترى باقىت سۇلتانوۆ. بۇل تۋرالى primeminister.kz حابارلادى.

«ەلەكتروندى ساۋدانى دامىتۋ ءۇشىن بىزدە بارلىق زاڭنامالىق جاعدايلار جاسالعان. زاماناۋي ساۋدا فورماتتارىنا دا كوپ كوڭىل بولىنۋدە. 2019 جىلعى 2 ساۋىردە بيزنەس ورتانى دامىتۋ جانە ساۋدا قىزمەتىن رەتتەۋ تۋرالى زاڭ قابىلداندى، وندا ەلەكتروندىق جانە بيرجا ساۋداسىن دامىتۋ كوزدەلگەن. ءتيىستى ينفراقۇرىلىم جاسالۋدا. قازىر نارىقتا 20-عا جۋىق پلاتفورما بار جانە شامامەن 1700 كاسىپكەر ەلەكتروندى كوممەرتسيادا جۇمىس ىستەيدى»، — دەپ ناقتىلادى ب. سۇلتانوۆ.

ونىڭ ايتۋىنشا، قازاقستان جەتەكشى الەمدىك كورپوراتسيالاردىڭ كومەگىمەن ينتەرنەت ارقىلى ساۋدانى دامىتۋدى كوزدەيدى. 2019 جىلعى 26 تامىزدا مينيسترلىك پەن رەسەيدەگى №1 «Wildberries» ونلاين-ريتەيلەر اراسىندا ءوزارا ىنتىماقتاستىق تۋرالى كەلىسىمگە قول قويىلعان، وندا «Wildberries» قاتىساتىن بارلىق اۋماقتا ەلەكتروندىق ساۋدا ارنالارىن قولدانىپ، قازاقستاندىق ەكسپورتتاۋشىلاردىڭ حالىقارالىق ساۋداعا قاتىسۋى قاراستىرىلعان. قازاقستاندىق تاۋارلاردى ەكسپورتتاۋدى ىلگەرىلەتۋ ءۇشىن باسقا دا شەتەلدىك ينتەرنەت-الاڭدارىمەن وسىنداي جۇمىستار جۇرگىزۋ جوسپارلانىپ وتىر.

«ءبىز ولارمەن بىرگە ەلەكتروندى ساۋدانى دامىتۋ جۇيەسىن ازىرلەپ، ونىڭ ۇلەسىن ارتتىراتىن بولامىز. بۇگىندە ونىڭ جىلدىق بولشەك ساۋداعا قاتىستى ۇلەسى - 2,9%. مەملەكەت باسشىسىنىڭ قىتايعا ساپارى اياسىندا Alibaba ءتارىزدى ءىرى ەلەكتروندى الاڭ وكىلىمەن كەزدەسۋ جوسپارلانعان. بۇل سالادا سالماقتى ويىنشىلاردىڭ بولۋى بىزگە ەداۋىر ءارى دۇرىس باعىتتا دامۋعا مۇمكىندىك بەرەدى. ءبىزدىڭ كاسىپكەرلەرىمىز الەمدىك ويىنشىلارمەن بەلسەنە ىنتىماقتاستىق ورناتا الادى، ناتيجەسىندە بۇل قازاقستاندا ەلەكتروندى كوممەرتسيانى قارقىندى دامىتۋعا مۇمكىندىك بەرەدى»، — دەدى ب. سۇلتانوۆ، ينتەرنەت ساۋداداعى ءىرى سۋبەكتىلەرمەن ىنتىماقتاسا جۇمىس ىستەۋ قازاقستاندىق ءونىمدى ەكسپورتتاۋعا مۇمكىندىك بەرەتىنىن ناقتىلاپ.

ب. سۇلتانوۆ اتاپ وتكەندەي، ءتۇسىندىرۋ ماسەلەلەرىنە باسا نازار اۋدارىلاتىن بولادى، ويتكەنى ەلەكتروندى كوممەرتسيادا سەنىم ماسەلەسى اسا ماڭىزدى.

«ەندى ساتىپ الۋشى كادىمگى ساۋداداعى سياقتى ەلەكتروندىق ساۋدادا دا سول شامادا قورعالاتىنىن قوسىمشا اتاپ وتەمىن. جالپى ءبىز تۇتىنۋشىلاردىڭ قۇقىقتارىن قورعاۋ جۇيەسىن قايتا قاراۋدى جالعاستىرۋدامىز جانە ونى ءىس جۇزىندە بارىنشا پارمەندى ەتكىمىز كەلەدى. قازاقستاندىق ءونىمنىڭ باسەكەگە قابىلەتتىلىگىن جاقسارتۋ بويىنشا جۇمىسىمىز ناقتى ءبىر باعىتتا جۇرگىزىلەدى: ەلىمىزدىڭ ءاربىر تۇتىنۋشىسىندا ساپالى ءونىم بولۋى ءتيىس. ءبىزدىڭ ماقسات – «ازىق-تۇلىك قۇبىرىن» – وندىرىستەن باستاپ تۇپكىلىكتى ساتىپ الۋشىعا دەيىن ورىندى جانە قولايلى تىزبەگىن قۇرۋ. قازاقستاندا بولسىن نەمەسە ونىڭ شەگىنەن تىس بولسىن»، — دەدى مينيستر باقىت سۇلتانوۆ.

سوڭعى جاڭالىقتار