9 قىركۇيەك, 16:22 161 0 جاھان انار لەپەسوۆا

اق ءۇي "تاليبانمەن" بايلانىستى ۇزبەك

اقش-تىڭ اۋعانستان جونىندەگى ارنايى وكىلى ەلىنە قايتارىلدى. زالماي حاليلزاد "تاليبان" قوزعالىسىمەن بەيبىت كەلىسسوزدەرگە قاتىسقان بولاتىن.

بۇعان دەيىن اقش پرەزيدەنتى دونالد ترامپ قۇپيا كەزدەسۋدىڭ بولمايتىنىن حابارلاعان ەدى. بۇل كەزدەسۋگە كابۋل قالاسىندا جاقىندا تىركەلگەن جويقىن جارىلىستى ۇيىمداستىرۋشىلار دا قاتىسۋى كەرەك بولعان. شابۋىلدان 12 ادام قازا تاپقان، ونىڭ ىشىندە اقش ساربازدارى دا بار.

اقش مەملەكەتتىك حاتشىسى مايك پومپەو 8 قىركۇيەكتە اۋعانستان جونىندەگى ارنايى وكىل زالماي حاليلزاد ەلگە قايتاتىنىن، بەيبىت كەلىسسوزدەر ۋاقىتشا توقتاعانىن جاريالادى.

پومپەو تالىپتەر "شەكتەن شىعىپ كەتتى" دەپ مالىمدەدى. "تاليبان" ايماقتاعى زورلىق-زومبىلىقتى دوعارۋ ءۇشىن موينىنا العان جاۋاپكەرشىلىكتى ورىنداي المايدى نەمەسە ورىنداعىسى كەلمەيدى", - دەپ مالىمدەدى پومپەو Fox News تەلەارناسى ەفيرىندە.

دونالد ترامپ قوس تاراپتىڭ وكىلدەرىمەن ۆاشينگتون شەتىندەگى كەمپ-دەۆيد رەزيدەنتسياسىندا، 11 قىركۇيەك قارساڭىندا كەلىسسوز جۇرگىزگىسى كەلەتىنىن حابارلاعان ەدى.

ەسكە سالا كەتەيىك، 18 جىل بۇرىن 11 قىركۇيەكتە ء"ال-كايدا" تەرروريستىك توبى اقش-تا مىڭداعان ادام مەرت بولعان ءىرى شابۋىل ۇيىمداستىردى. اقش وعان جاۋاپ رەتىندە 2001 جىلى اۋعانستاندا اسكەري وپەراتسياسىنا كىرىستى.

سوڭعى جاڭالىقتار