9 قىركۇيەك 2019, 12:44 369 0 جاڭالىقتار Túrkistan Gazeti

حالىقارالىق كيبەرسپورت جارىسىندا قازاقستاندىق توپ ەكىنشى ورىن الدى

قازاقستاندىق Avangar توبى كيبەرسپورتتان گەرمانيا استاناسىندا وتكەن «StarLadder Berlin Major 2019» جارىسىنىڭ گراند-فينالىندا ەكىنشى ورىنعا يە بولدى. بۇل تۋرالى Egemen.kz ءتىلشىسى حابارلادى.

«ءبىز ءتۋرنيردى كۋبوكقا ءبىر قادام جەتپەي، ەكىنشى ورىندا اياقتادىق. Berlin Major جارىسىندا كورسەتكەن ويىنىمىزبەن ماقتانامىز. قولداۋلارىڭىزعا راحمەت، ءبىز مىندەتتى تۇردە جاڭا كۇشپەن قايتا ورالامىز. العا Avangar!»، دەپ جازدى Instagram-داعى رەسمي پاراقشاسىندا.

Counter Strike: Global Offensive ويىنى بويىنشا ءىرى چەمپيوناتتا قازاقستاندىق قۇرام ەكىنشى ورىنعا تۇراقتاپ، 150 مىڭ دوللار كولەمىندە جۇلدە الدى. ال ءتۋرنيردىڭ ءابسوليۋتتى جەڭىمپازى اتانعان دات ويىنشىلارى 500 مىڭ دوللار ۇتىپ الدى.

جارىس 23 تامىز - 8 قىركۇيەك ارالىعىندا بەرليننىڭ «مەرسەدەس-بەنتس ارەنا» ستاديونىندا ءوتتى. تۋرنيردە 24 كوماندا 1 ملن دوللار كولەمىندە جۇلدە قورىن ساراپقا سالدى.

تەگتەر كيبەرسپورت

سوڭعى جاڭالىقتار