7 قىركۇيەك 2019, 17:00 556 0 ىشكى ساياسات ءTúrkىstan International Political Weekly

بەرىك ءۋالي جاڭا قىزمەتكە سايلاندى

پرەزيدەنت ءباسپاسوز حاتشىسى بەرىك ءۋالي "قر پرەزيدەنتىنىڭ تەلەراديوكەشەنى" كەاق ديرەكتورلار كەڭەسىنىڭ توراعاسى بولىپ سايلاندى. بۇل تۋرالى ptrk.kz سايتىندا حابارلاندى.

بەرىك ءۋالي 1977 جىلى تۋعان. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن "كينوتانۋشى" ماماندىعى بويىنشا، سونداي-اق، ءال-فارابي اتىنداعى قازاق ۇلتتىق ۋنيۆەرسيتەتىنىڭ "جۋرناليستيكا" ماماندىعى بويىنشا ماگيستراتۋراسىن جانە قازاق گۋمانيتارلىق-زاڭ يننوۆاتسيالىق ۋنيۆەرسيتەتىن "قۇقىقتانۋ" ماماندىعى بويىنشا بىتىرگەن.

ەڭبەك جولىن "تاڭ" تەلەكومپانياسى اقپاراتتىق باعدارلاماسىنىڭ كوررەسپوندەنتى بولىپ باستاعان، "نتك" تەلەارناسىنىڭ شىعارۋشى رەداكتورى، "31-ارنادا" جاۋاپتى جانە باس رەداكتور، "حابار" اگەنتتىگىنىڭ اقپاراتتىق باعدارلامالارىنىڭ رەداكتورى-جەتەكشى، Qazaqstan تەلەارناسىنىڭ "1-ستۋديا" توك-شوۋىنىڭ جۇرگىزۋشىسى، "نۇر مەديا"سىبايلاس جەمقورلىققا قارسى مەديا ورتالىعىنىڭ باسشىسى بولىپ جۇمىس ىستەدى. ءباسپاسوز قىزمەتىنىڭ باسشىسى، وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى، وڭتۇستىك قازاقستان وبلىسى ىشكى ساياسات جانە ءدىن ىستەرى باسقارماسىنىڭ باسشىسى، "نۇر وتان" پارتياسى توراعاسىنىڭ ءبىرىنشى ورىنباسارىنىڭ كەڭەسشىسى، "نۇر مەديا" جشس باقىلاۋ كەڭەسىنىڭ توراعاسى، ءمينيستردىڭ كەڭەسشىسى، قر ينۆەستيتسيالار جانە دامۋ مينيسترلىگى اقپاراتتىق قامتاماسىز ەتۋ دەپارتامەنتىنىڭ ديرەكتورى، جامبىل وبلىسى ىشكى ساياسات باسقارماسىنىڭ باسشىسى قىزمەتتەرىن اتقارعان. 2019 جىلعى ناۋرىزدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ ءباسپاسوز حاتشىسى بولىپ تاعايىندالدى. "دارىن" مەملەكەتتىك جاستار سىيلىعىنىڭ لاۋرەاتى.

 

تەگتەر بەرىك ءۋالي

سوڭعى جاڭالىقتار