6 قىركۇيەك 2019, 19:09 551 0 جاڭالىقتار Túrkistan Gazeti

ەكىنشى قازاقستاندىق بىتىمگەرلىك روتا ليۆانداعى بۇۇ-نىڭ ميسسياسىن جالعاستىرۋدا

قازاقستان قارۋلى كۇشتەرىنىڭ 120 اسكەري قىزمەتشىدەن قۇرالعان ەكىنشى بىتىمگەرلىك روتاسى بەس اي كولەمىندە ليۆانداعى بۇۇ-نىڭ ميسسياسىندا قىزمەت ەتۋدە.

قازاقستاندىق بىتىمگەرىك روتا ءۇندى بوتالونىمەن بىرگە 16 شاقىرىمنان تۇراتىن سەنىپ تاپسىرىلعان ايماقتى تورۋىلداۋ سىندى بەلگىلى مىندەتتەردى بىرلەسە وتىرىپ ورىنداۋدا. بىتىمگەرلەر كۇن سايىن جاعدايدى باقىلاپ وتىرادى جانە بۇگىندە ول تۇراقتى.

پاترۋلدەۋدەن باسقا اسكەري قىزمەتشىلەر كۇندەلىكتى بلوك-بەكەتتەردە قىزمەت اتقارىپ،  اسكەري بازالاردى كۇشەيتۋ مەن  كۇزەتىنە جاۋاپر بەرەدى، سونداي-اق ءۇندى بوتالونىمەن بىرگە ءجيى تۇردە اۆتونومدىق پاترۋلدەرگە شىعىپ تۇرادى.

بىتىمگەرشىلىك كونتينگەنتى مىندەتتەرىنىڭ ءبىرى، باسقا مەملەكەتتەردىڭ بىتىمگەرلىك كونتينگەنتتەرىنىڭ وكىلدەرىمەن جانە دە جەرگىلىكتى حالىقپەن دوستىق قارىم-قاتىناستى ورناتۋ.

«بۇۇ-نىڭ ليۆانداعى ۋاقىتشا كۇشتەرى» ميسسياسىنىڭ باسشىلىعى، سونداي-اق ءۇندى باتالونىنىڭ باسشىلىعى قازاقستان ارمياسى اسكەري قىزمەتشىلەرىنىڭ داعدىلارى مەن كاسىپقويلىقتارىنا جوعارى باعا بەرۋدە. ميسسيانى ورىنداۋداعى قىسقا ۋاقىت ىشىندە بىتىمگەرلىك روتانىڭ اسكەري قىزمەتشىلەرى «كاسىبي-بىتىمگەرلەر» دەگەن اتاقتى ابىرويمەن اتقارىپ شىقتى.

قازاقستان مەن ءۇندىستان ۇكىمەتى اراسىنداعى «ءۇندى باتالونىنىڭ قۇرامىنا قازاقستاندىق بىتىمگەرشىلىك كونتينگەنتىن ورنالاستىرۋ ءتارتىبى تۋرالى» كەلىسىمگە سايكەس ەكىنشى بىتىمگەرلىك روتا ليۆانعا 6 اي مەرزىمگە ءبىرىنشى روتانى اۋىستىرۋ ءۇشىن جىبەرىلدى.

«بۇۇ-نىڭ ليۆانداعى ۋاقىتشا كۇشتەرى» - بۇل قازاقستان قارۋلى كۇشتەرىنىڭ تاريحىنداعى ءبىزدىڭ بىتىمگەرلىك كونتينگەنت تىكەلەي قاتىسىپ جاتقان العاشقى ميسسيا. وسىعان دەيىن قازاقستاندىق اسكەري قىزمەتشىلەر تەك باقىلاۋشى رەتىندە عانا قاتىسقان.

قازاقستاندىق بولىمشەلەردىڭ ميسسياعا قاتىسۋى حالىقارالىق قاۋىپسىزدىكتى نىعايتۋعا سەپتىگىن تيگىزەدى جانە دە قازاقستاننىڭ حالىقارالىق قوعامداستىقتىڭ جاۋاپتى مۇشەسى رەتىندە بەدەلىن ارتتىرادى.

تەگتەر بۇۇ ليۆان

سوڭعى جاڭالىقتار