6 قىركۇيەك, 16:00 453 0 جاڭالىقتار Túrkistan Gazeti

الماتى وبلىسى ەلوردادا وتەتىن جارمەڭكەگە 330 توننادان استام ءونىم اكەلەدى

نۇر-سۇلتاندا قىركۇيەكتىڭ 7-8 كۇندەرى وتەتىن اۋىلشارۋاشىلىق جارمەڭكەسىنە الماتى وبلىسىنىڭ شارۋالارى 330,9 توننا ءونىم اكەلەدى، دەپ حابارلايدى ەلوردا اكىمدىگىنىڭ رەسمي سايتى. 

قىركۇيەكتىڭ 7-8 كۇندەرى ارالىعىندا بەكىتىلگەن جوسپارعا سايكەس، الماتى جانە قوستاناي وبلىسىنىڭ اۋىل شارۋاشىلىق تاۋار وندىرۋشىلەرىنىڭ قاتىسۋىمەن جارمەڭكە وتەدى. اتالعان جارمەڭكەگە جەتىسۋ ءوڭىرىنىڭ 17 اۋدان، 3 قالا جانە «جەتىسۋ» اكك» اكتسيونەرلىك قوعامى قاتىسادى.

استانا تۇرعىندارىنا جالپى قۇنى 163 ملن. تەڭگەدەن اساتىن كولەمى 330,9 توننا 48-دەن استام اۋىل شارۋاشىلىعى ونىمدەرىنىڭ تۇرلەرى ۇسىنىلادى. ونىڭ ىشىندە جىلقى ەتى – 8,8 توننا، سيىر ەتى - 14,6 توننا، قوي ەتى - 9,0 توننا، قۇس ەتى – 0,4 توننا، بالىق ونىمدەرى – 15,7 توننا، كوكونىس – 105,1 توننا، الما، جەمىس-جيدەك – 32,2 توننا، كارتوپ – 39,1 توننا، ءسۇت ونىمدەرى – 14,5 توننا، شۇبات پەن قىمىز - 2,9 توننا، كۇرىش - 16,2 توننا، ۇن - 5,8 توننا، قانت – 7,0 توننا، بال – 0,5 توننا، جۇمىرتقا - 16,3 مىڭ دانا، باكالەيا ونىمدەرى - 2,4 توننا جانە باسقا ءونىم تۇرلەرى – 88,5 توننا.

ۇيىمداستىرۋشىلاردىڭ ايتۋىنشا، تاۋارلار باعالارى ەلورداداعى بولشەك ساۋدا باعالارىنان 15-20 پايىزعا تومەن بولادى. جارمەڭكە ەكى كۇن بويى ساعات 08.00-دەن 18.00-گە دەيىن جالعاسادى. كەلۋشىلەر ءۇشىن الماتى وبلىسىنىڭ ونەرپازدارى كونتسەرتتىك باعدارلاما ۇسىنادى.

 

سوڭعى جاڭالىقتار