6 قىركۇيەك, 12:37 229 0 قوعام ءTúrkىstan International Political Weekly

اسىلبەك قوجاحمەتوۆ بەلسەندى ازاماتتارعا نازار اۋداردى

«Almaty Management University» پرەزيدەنتى، قوعامدىق قايراتكەرى اسىلبەك قوجاحمەتوۆ بەلسەندى ازاماتتاردى ۇلتتىق كومپانيالاردىڭ ديرەكتورلار كەڭەسىنە ەنگىزۋدى ۇسىندى. 

«پرەزيدەنت قاسىم-جومارت توقاەۆتىڭ كۆازيمەملەكەتتىك سەكتوردى قىسقارتۋ تۋرالى ۇسىنىسىن قولدايمىز. قازاقستاننىڭ بۇكىل ەكونوميكاسىنىڭ 60 پايىزدان استامىن قۇرايتىن اتالمىش سەكتور جۇمىسىنىڭ اشىقتىعى مەن ەسەپتىلىگىن ارتتىرۋ ماقساتىندا ءبىر بىلىكتى ازاماتتىق بەلسەندىنى ءار ۇلتتىق كومپانيالاردىڭ – «سامۇرىق-قازىنا»، «بايتەرەك»، «كازاگرو» جانە ولاردىڭ ەنشىلەس كومپانيالارىنىڭ ديرەكتورلار كەڭەسىنە، سونداي-اق، وڭىرلىك الەۋمەتتىك كاسىپكەرلىك كورپوراتسيالاردىڭ  ديرەكتورلار كەڭەسىنە ەنگىزۋدى ۇسىنامىن»، - دەدى ول ەلورداداعى ۇلتتىق قوعامدىق سەنىم كەڭەسىنىڭ العاشقى وتىرىسىندا.

ەسكە سالا كەتسەك، بۇگىن ەلوردادا ۇلتتىق قوعامدىق سەنىم كەڭەسىنىڭ العاشقى وتىرىسى ءوتىپ جاتىر. وتىرىسقا قازاقستان پرەزيدەنتى قاسىم-جومارت توقاەۆ قاتىسۋدا.

ۇلتتىق كەڭەستىڭ قۇرامى بەلگىلى مەملەكەت جانە قوعام قايراتكەرلەرىنىڭ، ساياسي پارتيالار، ۇكىمەتتىك ەمەس سەكتور وكىلدەرىنىڭ قاتارىنان قالىپتاستىرىلادى. قازاقستان رەسپۋبليكاسى پرەزيدەنتى اكىمشىلىگىنىڭ باسشىسى، قازاقستان رەسپۋبليكاسىنداعى ادام قۇقىقتارى جونىندەگى ۋاكىل، قازاقستان رەسپۋبليكاسىنداعى بالا قۇقىقتارى جونىندەگى ۋاكىل، قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل ءوز لاۋازىمدارىنا سايكەس ۇلتتىق كەڭەستىڭ قۇرامىنا كىرەدى.

سوڭعى جاڭالىقتار