6 قىركۇيەك, 10:32 446 0 بيزنەس Túrkistan Gazeti

نۇر-سۇلتاندا «بيزنەسكە ارنالعان ۇكىمەت» الاڭى اشىلادى

ەلوردا اكىمى ا. كولگىنوۆ وڭىرلىك كاسىپكەرلەر پالاتاسى الاڭىندا بيزنەسمەندەرمەن كەزدەسىپ، جەكە قابىلداۋ وتكىزدى. بۇل تۋرالى قالا اكىمدىگىنىڭ رەسمي سايتى حابارلادى.

كەزدەسۋ بارىسىندا پروبلەمالىق ماسەلەلەر، ولاردى شەشۋ جولدارى ايتىلدى جانە «iQala» قالالىق قىزمەت كورسەتۋ ورتالىعىنىڭ بازاسىندا «بيزنەسكە ارنالعان ۇكىمەت» الاڭىنىڭ اشىلۋى تالقىلاندى. كاسىپكەرلەر «ءبىر تەرەزە» قاعيداتى بويىنشا بارلىق قاجەتتى قىزمەتتەردى الا الادى.

ەلباسىنىڭ ايتۋىنشا، كاسىپكەرلەر-ەكونوميكانىڭ قوزعاۋشى كۇشى. قر پرەزيدەنتى شوب پرەفەرەنتسيالار مەن جەڭىلدىكتەر بەرۋ قاجەتتىگىن اتاپ ءوتتى.

جۇمىس جاعدايىن جاساۋ ءۇشىن بارلىق شارالار قابىلدانۋدا. شىعارىلاتىن ءونىمنىڭ ساپاسىنا اسا كوڭىل ءبولۋ كەرەك، ادال ەڭبەك ىستەۋ شارت. ەلىمىزدە وتاندىق تاۋار وندىرۋشىلەردى قولداۋعا باعىتتالعان «قاراپايىم زاتتار ەكونوميكاسى» باعدارلاماسى جۇمىس ىستەيدى. قازىر وندا 49 كاسىپورىن جۇمىس ىستەۋدە،ءبىز ەكىنشى يندۋستريالىق پارك قۇرۋعا كىرىستىك. كاسىپكەرلەردىڭ ىڭعايلى جۇمىس ىستەۋى ءۇشىن «بيزنەسكە ارنالعان ۇكىمەت» الاڭىن اشامىز، بيزنەسمەندەر «ءبىر تەرەزە» قاعيداتى بويىنشا بارلىق قىزمەتتەردى الا الادى", - دەدى ا. كولگىنوۆ.

سونداي-اق، كاسىپكەرلەر پالاتاسى الاڭىندا قالا اكىمى شاعىن جانە ورتا بيزنەستى دامىتۋ ماسەلەلەرى بويىنشا جەكە قابىلداۋ وتكىزدى. كاسىپكەرلەرمەن كەزدەسۋ جانە ولاردى جەكە قابىلداۋ جۇيەلى تۇردە ءوتىپ تۇراتىن بولادى.

سوڭعى جاڭالىقتار