5 قىركۇيەك, 11:34 324 0 قوعام "تۇركىستان" گازەتىنىڭ اۆتورلارى

بەكجان الىمقۇلوۆ، كاسىپكەر: پرەزيدەنت جولداۋى بيزنەسمەندەرگە سەنىم سىيلادى

– مەن دە مەملەكەت باسشىسىنىڭ حا­لىق­قا جولداۋىن ەرەكشە ىقىلاسپەن تىڭ­­­دا­دىم. «سىندارلى قوعامدىق ديالوگ – قا­زاق­ستاننىڭ تۇراق­تى­لىعى مەن ءور­كەن­دەۋىنىڭ نەگىزى» دەپ اتالعان جولداۋ ەڭ نەگىزگى، وزەكتى ماسە­لە­لەردى ارقاۋ ەتكەن­دەي. كاسىپكەر رەتىندە بيزنەسكە قولداۋ كور­سە­تۋگە ارنالعان بىرنەشە باعدارلاما قابىل­داناتىنىنا قۋان­دىم. اتاپ ايتار بولسام، ايلىق جالاقىدان بولەك 5 پا­يىز­­دى زەي­نەتاقى قورىنا اۋدارۋ ءما­سە­لە­سىن 2023 جىلعا دەيىن شەگەردى. ەكىنشى، شاعىن جانە ورتا بيزنەسكە قولداۋ ءبىل­دىرىپ، ال­عاشقى 3 جىلدا سالىقتان بوسات­تى. سون­داي-اق، ولار اياقتان نىق تۇرىپ كەتكەنشە ءتۇرلى تەكسەرىس بولمايدى دەگەنى تالاي جاس بيزنەسمەندەرگە سەنىم بەر­گەندەي. اتالعان ءۇش ماسەلە وسى ۋاقىتقا دەيىن وتاندىق شاعىن كاسىپورىنداردىڭ اياعىنا تۇساۋ بولىپ، كۇرمەۋلى ماسەلەگە بالانعان ەدى. ويتكەنى، ءوزى جاڭا كاسىپ باس­تاعان بيز­نەس­مەن ايلىق جالاقىدان ءبو­لەك 5 پايىزدى ءبولۋ قيىنعا سوعار ەدى. ەكىنشى سالىقتان بوساتۋعا كەلسەك، ءوزىمدى مىسال رەتىندە ايتسام بولادى. ءوندىرىس اشقان 5 جىل ىشىندە ەلورداداعى 150-200 شاقىرىم جولعا مەن وندىرەتىن تاستار ءتو­سەلدى. 20 ادامدى تۇراقتى جۇ­مىس­پەن قام­تاماسىز ەتىپ وتىرمىن. وسى ۋاقىت ارا­لىعىندا مەملەكەت قورجىنىنا 40 ملن تەڭگەدەن استام سالىق تولەدىم. سا­لىقتان بوسا­تىل­عاندا سول قارجىعا ءون­دىرىس كولەمىن ەداۋىر ارتتىرىپ، جاڭا جۇ­مىس ورىندارىن اشار ەدىم. ءجوندى-ءجونسىز تەكسەرىس تە كاسىپتىڭ ىلگەرىلەۋىنە كەدەرگى كەلتىرمەي قويمايدى. جاڭا باستالعان كاسىپ ىڭگا­لاعان بالا ىسپەتتى. وعان نە ءتۇرلى سالىق تولەپ، تەكسەرىستەرگە توتەپ بەرۋ وڭاي ەمەس. 3 جاسقا تولىپ، اياقتا جۇرە باس­تا­عان­دا عانا ناعىز ىسكەرگە اينالادى.

بەكجان الىمقۇلوۆ،

كاسىپكەر

سوڭعى جاڭالىقتار