5 قىركۇيەك, 11:32 292 0 بىلگەنگە مارجان "تۇركىستان" گازەتىنىڭ اۆتورلارى

ماۋلەن اشىمباەۆ: الەۋمەتتىك ماسەلەلەرگە باسا ءمان بەرىلدى

– مەملەكەت باسشىسى ق.توقاەۆ جولداۋىندا حالىق ءۇشىن ەڭ وزەكتى، كەڭ تالقىلانىپ جۇرگەن ماسەلەلەردى كوتەرىپ، ولاردىڭ شەشۋ جولىن ۇسىندى. جولداۋدا مەملەكەتىمىزدىڭ العا قوزعالۋىنا جول اشاتىن بىرقاتار ناقتىلى شارا ۇسى­نىل­دى. ماسەلەن، پرەزيدەنتتىڭ پارمەندى شە­شىمدەرىنىڭ ءبىرى – شاعىن جانە ورتا بيزنەستىڭ بارلىق نىسانىن الداعى 3 جىل بويى تابىس سالىعىنان بوساتۋ. بۇل ءسوزسىز، قازاقستاندىقتاردىڭ ءال-اۋقاتىن ارت­تىرۋعا، ەكونوميكانىڭ ۇلكەن ءبىر بولىگىن قولداۋعا، كاسىپكەرلەردى دەمەۋگە باعىت­تال­عان. الداعى 2020 جىلدىڭ قاڭتارىنان باستاپ ۇساق جانە شاعىن بيزنەستى تەكسەرۋگە پرەزيدەنت جاريالاعان ءۇش جىلدىق موراتوري كۇشىنە ەنەدى. بۇل دا كاسىپ­كەر­لەر تاراپىنان ۇلكەن رەزونانس، قىزۋ قۇپتاۋ تۋعىزباق. بۇعان قوسا، ەكونوميكانى كرەديتتەۋ ماسەلەسىنە دەن قويدى. كەيىنگى جىلدارى زاڭدى تۇلعالاردى، كومپانيالاردى نەسيەلەندىرۋ كولەمى قۇل­دىراپ كەتتى. كرەديتتەۋسىز ەكونوميكا دا­مي المايدى. سوندىقتان ۇلتتىق بانك­كە، ۇكىمەتكە وسى تۇيتكىلدىڭ ءتۇيىنىن تار­قاتۋ، كاسىپكەرلەردى قولجەتىمدى ءارى ۇزاق­مەر­زىمدى نەسيەمەن قامتاماسىز ەتۋ ءجو­نىندە ءتيىستى تاپسىرمالار بەرىلدى. مەملەكەت باسشىسى الەۋمەتتىك ماسەلە­لەر­گە دە باسا ءمان بەردى. ولاردىڭ قاتارىندا ءبىلىم بەرۋ جانە دەنساۋلىق ساقتاۋ جۇيەلەرىن ارى قاراي دامىتۋمەن، سونداي-اق، تەاتر، مۋزەي جانە باسقا دا مادەنيەت قىزمەت­كەر­لەرىنىڭ جالاقىسىن ارتتىرۋمەن باي­لانىس­تى ماسەلەلەر بار. ويتكەنى جالاقى كوتەرۋگە باعىتتالعان شارالاردان ءما­دە­نيەت سالاسى تىس قالعانى راس. مەملەكەت باسشىسى قويعان شەشۋشى مىندەتتەردىڭ ءبىرى – ەڭ وزەكتى ماسەلەلەردى جانە ماڭىزدى شە­شىمدەردى تالقىلاۋعا ازاماتتىق قوعام­دى تارتۋ بولماق.

ماۋلەن اشىمباەۆ،

پرەزيدەنت كومەكشىسى

 

سوڭعى جاڭالىقتار