5 قىركۇيەك, 11:30 261 0 قوعام "تۇركىستان" گازەتىنىڭ اۆتورلارى

تيمۋر سۇلەيمەنوۆ: بارلىق سالادا وڭ وزگەرىس بولادى

– مەملەكەت باسشىسى جولداۋىنىڭ نەگىزگى ۇستىنى –  «حالىق ۇنىنە قۇلاق اساتىن مەملەكەتتى» قۇرۋ، ازاماتتار، بيزنەس جانە مەملەكەتتىك اپپارات اراسىندا ءتيىمدى ءوزارا ءىس-قيمىلدى جولعا قويۋ. جولداۋ اياسىندا شاعىن جانە ورتا بيزنەستى قولداۋ جۇيەسىن قايتا جانداندىرۋ ءما­سە­لەسىنە ەرەكشە كوڭىل ءبولىنىپ وتىر. بۇل رەتتە جاڭا جوبالارعا باسىمدىق بەرىلىپ، جاڭا جۇمىس ورىندارى قۇرىلىپ، قو­سىم­شا سالىق تۇسىمدەرىن ارتتىرۋ ماڭىزدى. بۇعان قوسا، وتباسىلىق شاعىن جانە ۇساق بيزنەستەردىڭ اشىلۋىن ىنتالاندىرۋعا، كوپ­بالالى انالاردىڭ ۇيدە وتىرىپ جۇ­مىس ىستەۋىنە جول اشۋعا ەكپىن ءتۇسىرۋ كە­رەك. شاعىن جانە ورتا بيزنەستى، اسىرەسە، جوعارى ونىمدىلىكتى، سونداي-اق، ەكسپورتقا باعىتتالعان وندىرۋشىلەردى قارجىلىق، سالىقتىق جانە اكىمشىلىك ىنتالاندىرۋ شارالارىن جۇزەگە اسىرۋ قاراستىرىلعان. اگروونەركاسىپتىك كەشەن سەكتورىندا سۋارمالى ەگىس اۋداندارىن ارتتىرۋ جۇمى­سىن جانداندىرۋ، اۋىل شارۋاشىلىعى شي­كىزاتىن وڭدەۋ ۇلەسىن ۇلعايتۋ، سونىمەن قاتار ەكونوميكالىق اينالىمعا قايتا تارتۋ ءۇشىن پايدالانىلماي جاتقان جەرلەردى كەرى الىپ قويۋ جونىندە تاپسىرما بەرىلدى. ەل پرەزيدەنتى كۆازيمەملەكەتتىك سەكتوردىڭ تيىمدىلىگىن ارتتىرۋ، مەملەكەتتىك كاسىپورىندار سانىن قىسقارتۋ، مەملەكەتتىك ساتىپ الۋ راسىمدەرىن ودان ارى جاقسارتۋ، اسىرەسە، تابيعي مونوپوليستەر قىزمەتىندە جانە الەۋمەتتىك ماڭىزدى تاۋارلاردىڭ جەكەلەگەن نارىقتارىندا باعا قالىپتاستىرۋ ءىسىن تارتىپكە كەلتىرۋ ماسەلەلەرىنە جەكە توقتالدى. سونداي-اق، ازاماتتار مەن بيزنەستىڭ رەيدەرلىك فاكتىلەرىنەن، جەكەلەگەن شەنەۋنىكتەردىڭ وز­بىر­­لىعىنان نەمەسە ارەكەتسىزدىگىنەن قور­عا­لۋىن كۇشەيتۋگە باعىتتالعان زاڭ­نا­مالىق نورمالار ەنگىزىلەتىن بولادى.

الەۋمەتتىك قامسىزداندىرۋ سالا­سىن­داعى ماڭىزدى باستامالار – مۇگەدەكتەردى قول­داۋدى كۇشەيتۋ، بالالار قۇقىعىن قورعاۋ، بۇقارالىق سپورتتى دامىتۋ، حا­لىقتىڭ از قامتىلعان بولىگى ءۇشىن باس­پا­نانىڭ قولجەتىمدىلىگىن ارتتىرۋ، ءاربىر ناقتى ەلدىمەكەندەگى كوكەيكەستى ينفرا­قۇرى­لىمدىق ماسەلەلەردى شەشۋ. 2020 جىل­دان باستاپ، پەداگوگتەردىڭ جالاقىسى 25 پايىزعا كوتەرىلەدى. ۇكىمەت مادەنيەت قىزمەتكەرلەرىنىڭ ەڭبەكاقىسىن كوتەرۋ پارامەترلەرىن انىقتايدى. سونداي-اق، زەينەتاقىلىق اكتيۆتەردى ءتيىمدى باسقارۋ مىندەتى قويىلدى. مەملەكەت باسشىسى اتاۋلى الەۋمەتتىك كومەكتىڭ ادىلەتتى ءارى ىنتالاندىرۋشى جۇيەسىن ءتۇزۋ قاجەت­تى­لىگىن ەرەكشە اتاپ ءوتتى. ونداي كومەك سوعان مۇقتاج ادامدارعا عانا ۇسىنىلۋى ءتيىس.

تيمۋر سۇلەيمەنوۆ،  

پرەزيدەنت اكىمشىلىگى باسشىسىنىڭ ورىنباسارى

 

سوڭعى جاڭالىقتار