5 قىركۇيەك 2019, 11:18 670 0 قوعام "تۇركىستان" گازەتىنىڭ اۆتورلارى

تاكير بالىقباەۆ: ەل كوكەيىندەگى وزەكتى ماسەلەلەر ءسوز بولدى

پرەزيدەنت ەڭ الدىمەن ەلىمىزدىڭ ەكو­نو­مي­كالىق جانە الەۋمەتتىك دامۋىنىڭ ماڭىز­دى سالالارىنا توقتالدى. ايتالىق، قا­زاق­ستان تاۋەلسىزدىگىن العان 90-شى جىلدارى كەڭەستىك جۇيەدەن قيراندى ەكونوميكا قا­لىپ، كۇيزەلىس كەزەڭدەرىن باسىنان وتكەرگەنى ءمالىم.

پرەزيدەنت ق.توقاەۆ ءوز جولداۋىندا ەل دا­مۋىنىڭ وسى ءۇردىسىن  ودان ءارى جالعاستىرۋ ءۇشىن الەم مويىنداعان نازارباەۆ مودەلىن  جالعاستىرۋدى ۇسىندى. «ەلىمىزدىڭ دامۋ جولىن بۇكىل الەم مويىنداپ، قازاقستاندىق، ياعني نازارباەۆ مودەلى دەپ اتادى.  قازىر بىزگە تاۋەلسىزدىكتىڭ جەتىستىكتەرىن ەسەلەپ، ەلىمىزدى دامۋدىڭ جاڭا ساپالى كەزەڭىنە شىعارۋ مۇمكىندىگى بەرىلىپ وتىر»، – دەدى ول.

مەملەكەت باسشىسى ۇكىمەت مۇشەلەرىنە مەملەكەتتىك ورگاندار مەن وڭىرلەردىڭ، مەم­لەكەتتىك كومپانيالاردىڭ جانە مەكە­مە­لەر­دىڭ باسشىلارىنا ءتيىستى رەفورمالاردى ءجۇ­زەگە اسىرۋ ءۇشىن دەربەس جاۋاپكەرشىلىك جۇك­تەلەتىنىن مالىمدەدى. سونداي-اق، ول رە­فور­ما­نى تەك رەفورما ءۇشىن جۇرگىزۋگە جول بەرىل­مەي­تىنىن، ءاربىر مينيستردە جانە ءاربىر اكىمدە ءنا­تيجەلى جۇمىستىڭ نەگىزگى كورسەتكىشتەرىنىڭ ءتىزىمى بولۋى ءتيىس ەكەنىن ەسكەرتتى. ق.توقاەۆ شيكىزاتقا بايلانعان مەنتاليتەتتەن باس تارتىپ، ەكونوميكانى ءارتاراپتاندىرۋ قا­جەت­تىگىن، «ءبىلىم ەكونوميكاسى»، ەڭبەك ءونىم­دىلىگىن ارتتىرۋ، يننوۆاتسيانى دامىتۋ، جان­دى ينتەللەكتىنى جاھاندىق دامۋدىڭ نەگىزگى فاك­تورىنا اينالدىرۋ كەرەكتىگىن نازارعا سالدى.

مەملەكەت باسشىسى سونىمەن بىرگە ەلدىڭ كوكەيىندە جۇرگەن كوپتەگەن  وزەكتى ماسەلەلەر تۋرالى وي ءوربىتتى. اسىرەسە، جەردىڭ شەتەل­دىك­تەرگە ساتىلمايتىنى تۋرالى ناقتى ويى كوپشىلىكتىڭ كوڭىلىنەن شىقتى. بىراق ءاربىر گەكتار جەر ءتيىمدى پايدالانىلۋى تالاپ ەتى­لەدى.  پرەزيدەنتتىڭ قازاق حالقىنىڭ مەم­لە­كەت قۇرۋشى ۇلت رەتىندەگى ءرولىن بەكەمدەۋ، ەت­نوس­ارالىق تاتۋلىق پەن دىنارالىق ءتۇسى­نىس­تىكتى ودان ءارى دامىتۋ، قازاق ءتىلىنىڭ مەم­لەكەتتىك ءتىل رەتىندەگى ءرولىن كۇشەيتىپ، ۇلت­ارالىق قاتىناس تىلىنە اينالدىرۋ، كونس­تي­تۋتسياعا سايكەس، ازاماتتار ءوز ويلارىن ەركىن ءبىلدىرۋ قۇقىعىنا  يە بولۋ ءۇشىن ميتينگىلەر تۋرالى زاڭنامانى جەتىلدىرۋ قاجەتتىگى تۋ­را­لى ايتقاندارى دا كوكەيدەگى كوپ ويدى ءدوپ باسىپ وتىر.

ادامداردا مەيىرىم مەن قايىرىم ازايىپ تۇرعان  بۇگىنگى الەمدە ءبىزدىڭ ەلىمىزدە دە ەسىرت­كى ساۋداسى، پەدوفيليا، جىنىستىق زور­لىق، ايەلدەر مەن بالالارعا، جەكە تۇلعالارعا قاتىستى جاسالاتىن اۋىر قىلمىستار بوي كورسەتىپ وتىرعانى جاسىرىن ەمەس. جولداۋدا وسىنداي قىلمىستارعا قارسى قولدانىلاتىن  جازالاۋ شارالارىن قاتاڭداتۋ تۋرالى ءما­سەلە كوتەرىلىپ، ۇكىمەتكە بۇل جونىندە تاپ­سىر­ما بەرىلۋى وتە ورىندى ءىس بولدى دەپ بىلەمىز.

جوعارى ءبىلىم بەرۋ سالاسىندا دا قور­دا­لانعان ماسەلەلەر بار. ۋنيۆەرسيتەت ءتۇ­لەك­تەرىن جۇمىسقا ورنالاستىرۋدىڭ ورتاشا كورسەتكىشى 60 پايىزدان اسپاۋدا. بۇل وتە ويلاندىراتىن ماسەلە. جوعارى وقۋ ورىن­دا­رىن­داعى مامان دايارلاۋ ساپاسى سىن كو­تەرمەيتىنىن ايتا كەلىپ ق.توقاەۆ باسەكەگە ءتو­تەپ بەرە المايتىن ءبىلىم وردالارىن قىس­قار­تۋ كەرەك دەگەندى ەسكەرتتى. سونداي-اق ول مۇعالىم مارتەبەسىن كوتەرۋ تۋرالى ارنايى زاڭ قابىلدانىپ جاتقانىن، الداعى ءۇش جىل­دا ولاردىڭ جالاقىسى 2 ەسە وسەتىنىن ايتتى. پرەزيدەنت قازاقستان عىلىمىن دامىتۋعا بايلانىستى دا ءوز ويلارىن ورتاعا سالدى.

 تاكير بالىقباەۆ،  

اباي اتىنداعى  قازاق  ۇلتتىق  پەداگوگيكالىق ۋنيۆەرسيتەتىنىڭ رەكتورى، پروفەسسور

سوڭعى جاڭالىقتار