26 ناۋرىز 2015, 14:40 4545 0 الەۋمەت اسەل انۋاربەك

بەس كۇندىك وقۋ اپتاسى ەنگىزىلە مە؟

مەكتەپتەردە ءبىرىنشى سىنىپ وقۋشىلارى ءۇشىن بەس كۇندىك وقۋ اپتاسى ەنگىزىلۋ جوسپارلانۋدا. بۇل تۋرالى ورتالىق كوممۋناتسيالار قىزمەتىندەگى بريفينگتە قر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتاەۆا ايتتى.
«قازىرگى ۋاقىتتا ءبىرىنشى سىنىپ وقۋشىلارى ءۇشىن پاندەردى قىسقارتۋ بويىنشا جۇمىستار جۇرگىزىلىپ جاتىر. سونىمەن قاتار، ولاردى بەس كۇندىك وقۋ اپتاسىنا اۋىستىرۋ جونىندە جۇمىستار ءجۇرۋ ۇستىندە»، – دەدى جاڭىل جونتاەۆا. بەس كۇندىك وقۋ اپتاسىن ەنگىزۋ ءۇشىن 30 مەكتەپتە سىناق وتكىزىلمەك. سودان كەيىن 2015-2016 جىلدارى بەس كۇندىك وقۋ اپتالىعى ەنگىزىلەدى. بۇل ستاندارتتىڭ ەلىمىزدەگى بارلىق مەكتەپتەرگە ەنگىزىلۋ-ەنگىزىلمەۋى جوعارىدا ايتىلعان سىناقتان كەيىن عانا انىقتالادى. ەستەرىڭىزدە بولسا، مۇنداي ۇسىنىستى وتكەن جىلدىڭ كۇزىندە ءماجىلىس دەپۋتاتتارى ۇسىنعان ەدى.

سوڭعى جاڭالىقتار