3 قىركۇيەك, 21:50 506 0 ايماق Túrkistan Gazeti

الماتى تاۋلارىندا جاراقات العان ەكى ايەل قۇتقارىلدى

توتەنشە جاعدايلار سالاسىنىڭ وكىلدەرى الماتى تاۋلارىندا جاراقات العان ەكى ايەلدى قۇتقاردى، دەپ حابارلايدى قر ءىىم توتەنشە جاعدايلار كوميتەتىنىڭ «رەسپۋبليكالىق جەدەل قۇتقارۋ جاساعى» مم-ءنىڭ ءباسپاسوز قىزمەتى.

ءباسپاسوز مالىمەتتەرىنە قاراعاندا، جازدىڭ سوڭعى كۇندەرى الماتى قالاسىنان كەلگەن ەكى ءتۋريستىڭ ەسىندە قالادى.

30 تامىزدا قر ءىىم توتەنشە جاعدايلار كوميتەتى جك «رجقج» مم جەدەل كەزەكشىسىنىڭ پۋلتىنە تاۋداعى جازاتايىم وقيعا تۋرالى اقپارات كەلىپ ءتۇستى. الدىن الا مالىمەت بويىنشا، كيماساروۆ شاتقالىندا ايەل اياعىن زاقىمداپ الىپ، ءوز بەتىمەن جۇرە الماي قالعان. «اتالعان اۋدانعا جەدەل-قۇتقارۋ توبى اتتاندى، ويتكەنى جاراقت العان ىيەل تۇراقتاعان ايماقتىڭ باعىتى بەلگىلى بولعان. قۇتقارۋشىلار وقيعا ورنىنا جەتكەندە زارداپ شەككەن ادام جول ۇستىندە وتىرعان. ول سيراق سۇيەگىنىڭ اۋىرۋى سالدارىنان، اياققا تۇرا الماعان. قۇتقارۋشى-مەديكتىڭ الدىن الا دياگنوزى بويىنشا ساپار بارىسىندا ايەل اياعىن قايىرىپ العان. وعان العاشقى مەديتسينالىق كومەك كورسەتكەن قۇتقارۋشىلار زارداپ شەككەن ادامدى ارنايى كولىككە جەتكىزدى»،-دەلىنگەن حابارلامادا. كەلەسى كۇنى كەزەكشى بولىمگە تاۋدا اياعىن قايىرىپ العان قىز تۋرالى ۇقساس اقپارات كەلىپ ءتۇستى. الايدا بۇل جولى وقيعا كوك جايلاۋ شاتقالى اۋماعىندا بولعان. بۇل اۋەسقوي تاۋ تۋريستەرىنىڭ اراسىندا وتە تانىمال ورىن. ءار دەمالىس كۇنى بۇل جەردە جىل مەزگىلىنە قاراماستان 100-دەن 400-گە دەيىن ادام وتەدى، سوندىقتان مارشرۋت وتە كۇردەلى ەمەس، ال ايماقتىى كوركىنە كوز تويادى. وسىنداي جاعدايعا قارماستان مۇندا تكەلۋشىلەردىڭ جاراقات الۋ جاعدايلار كوپ. «بۇل جولى دا، سوقپاق ۋچاسكەسىنىڭ ىلعالدىلىعىنا بايلانىستى، تۋريست قىز تايعاق جەرمەن وتكەندە، اياعىن تىرەي الماي، قۇلاپ كەتكەن. قۇتقارۋشىلاردىڭ جەدەل توبى اتالعان  قىزدى تەز تاپتى. قۇتقارۋشىلار زارداپ شەككەن ادامدى قاراپ شىقتى، دارىگەرگە دەيىنگى العاشقى كومەكتى كورسەتتى. زارداپ شەككەن ادام مەدبيكەلەرگە جەتكىزىلىپ،  قىزدىڭ سيراعى سىنعانى انىقتالدى»،-دەلىنگەن ءباسپاسوز مالىمەتتەرىندە.

سوڭعى جاڭالىقتار