30 تامىز 2019, 14:47 593 0 ايماق Túrkistan Gazeti

تۇركىستاندا 700-گە جۋىق وتباسى باسپانالى بولدى

بۇگىن قر كونستيتۋتسيا كۇنىنە وراي تۇركىستاندا 700-گە تارتا وتباسى باسپانالى بولدى.  وبلىس اكىمى ومىرزاق شوكەەۆ جاڭا پاتەر يەلەرىنىڭ قۋانىشىمەن ءبولىسىپ، مەرەكەمەن قۇتتىقتادى. 

سالتاناتتى شارادا ايماق باسشىسى تۇركىستاندىق وتباسىلارعا پاتەر كىلتىن تابىستادى.  ايتا كەتەيىك، «وتىرار» ىقشام اۋدانىندا سالىنعان كوپقاباتتى تۇرعىن ءۇي «نۇرلى جەر» باعدارلاماسى اياسىندا پايدالانۋعا بەرىلىپ وتىر. جاڭا باسپانا يەلەرى 5 قاباتتى 11 تۇرعىن ۇيگە قونىستاندى. ءبىر بولمەلى 165 پاتەر، ەكى بولمەلى 165 پاتەر جانە 3 بولمەلى 330 پاتەر تۇرعىندارعا تاپسىرىلىپ، 660 وتباسى جاڭا باسپاناعا كىرەتىن بولدى.

پاتەر يەلەرى اتانعاندار – كەزەكتە تۇرعان حالىقتىڭ الەۋمەتتىك از قامتىلعان جانە تۇرعىن ۇيگە مۇقتاج ساناتىنا جاتاتىن ازاماتتار. قولدانىسقا بەرىلگەن بۇل كوپ قاباتتى تۇرعىن ءۇيدىڭ ينفراقۇرىلىمدارى تولىقتاي رەتكە كەلتىرىلگەن. پاتەرلەر تالاپقا ساي جاساقتالىپ، ارلەنگەن. اتالعان شارا سوڭىندا جينالعان كوپشىلىك نازارىنا كونتسەرتتىك باعدارلاما ۇسىنىلدى. جەرگىلىكتى بيلىك وكىلدەرى جىل سوڭىنا دەيىن تاعى دا قالا تۇرعىندارىنا 5 قاباتتى 9 تۇرعىن ءۇي تاپسىرىلادى دەپ جوسپارلاپ وتىر.

سوڭعى جاڭالىقتار