29 تامىز 2019, 11:18 837 0 ونەر Túrkistan Gazeti

«تۇركسوي» جاستار كامەرالىق وركەسترى ونەر كورسەتتى

تۇركىستان وبلىسىندا تۇركسوي حالىقارالىق ۇيىمى، تۇركىستان وبلىسى اكىمدىگىنىڭ ۇيىمداستىرۋىمەن تۇرىك كەڭەسىنىڭ 10 جىلدىعىنا وراي تۇركسوي جاستار كامەرالىق وركەسترىنىڭ كونتسەرتى تۇركىستان قالاسىندا ءوتتى.

ق.ا.ياساۋي اتىنداعى حقتۋ-ءنىڭ مادەنيەت سارايىندا وتاندىق جانە شەتەلدىك ونەرپازدار تۇركىستاندىق كورەرمەندەر الدىندا العاش رەت ونەر كورسەتتى. كونتسەرت بارىسىندا وبلىس اكىمى ومىرزاق شوكەەۆ ونەرپازدارعا ساتتىلىك تىلەي وتىرىپ، تاتارستاننىڭ حالىق ءارتيسى، ءبىزدىڭ جەرلەسىمىز، تۇركىستاننىڭ تۋماسى، ديريجەر رەنات سالاۆاتوۆتى 70 جىلدىق مەرەيتويىمەن قۇتتىقتادى.

ەلباسىمىزدىڭ باستاماسىمەن وبلىس اتاۋى «تۇركىستان وبلىسى» بولىپ وزگەرتىلىپ، وبلىس ورتالىعى تۇركىستان قالاسىنا كوشىرىلدى. قر تۇڭعىش پرەزيدەنتى، ەلباسى نۇرسۇلتان نازارباەۆ ءوزىنىڭ «ۇلى دالانىڭ جەتى قىرى» ماقالاسىندا «جاڭا وبلىس ورتالىعى رەتىندە تۇركىستاندى دامىتۋ بارىسىندا ونىڭ حالىقارالىق ارەناداعى بەدەلىن جۇيەلى تۇردە ارتتىرۋ قاجەت» دەگەن بولاتىن.  بيىل دا سول ءداستۇردى جالعاستىرىپ، تۇركسوي جاستار كا­مەرالىق وركەسترىنىڭ كەزەكتى كونتسەرت­تىك تۋرنەسى 2017 جىلعى «تۇركى الەمىنىڭ ءما­دەني استاناسى» – تۇركىستان قالاسىندا ۇيىمداستىرىلىپ وتىر. اتالمىش كونتسەرتتىك تۋرنە قازاقستاننىڭ شىمكەنت، تاراز، الماتى قالالارىندا، قىرعىزستاننىڭ بىشكەك جانە ءازىربايجاننىڭ باكۋ قالاسىندا جالعاساتىن بولادى.

سوڭعى جاڭالىقتار