29 تامىز, 11:16 447 0 ونەر Túrkistan Gazeti

ديماشتىڭ ازاماتتىعى

قازاقتىڭ الەمگە تانىلعان ءانشىسى ديماش قۇدايبەرگەننىڭ بارلىق ەلدە تابىنۋشىلارى بار. ونى ءوز كوزىمەن كورىپ، كونتسەرتىنە بارىپ ءانىن ءوز قۇلاعىمەن تىڭداعىسى كەلەتىندەردىڭ ەسەپ-سانى جوق. سوندىقتان ونى بارلىق مەملەكەت ءوز جەرىندە كونتسەرت بەرۋگە شاقىرۋدا.

ديماش بۇل جولى تاتارستانعا بارىپ، ەل استاناسى قازان قالاسىندا وتكەن «World Skills Kazan 2019» شاراسىنىڭ جابىلۋىندا  ونەر كورسەتكەن-ءدى.  شاراعا قاتىسپاس بۇرىن قازاق ءانشىسى اكەسى قانات ايتباەۆ، دو­سى ەرلان بەكچۋرين جانە شەجىرەشى ماكسي پوكيدوۆ تورتەۋى قا­زانداعى بالالار حوسپيسىنە باردى. وندا ول اۋىر دەرتكە شالدىققان لەيسان ەسىمدى قىزدى كورۋگە باردى. سەبەبى، لەيسان دا ديماش ونەرىنىڭ تابىنۋشىلارىنىڭ ءبىرى. بىراق ونىڭ ديماشتىڭ كونتسەرتىنە ءساتى تۇسپەگەن. دەنساۋلىعىنىڭ كىناراتى مۇمكىندىك بەرمەگەن.

لەيسان رەسەيلىك تانىمال جۇرگىزۋشى اندرەي مالاحوۆتىڭ باعدارلاماسىنا قاتىسىپ، وندا ول عاجايىپ داۋىستى ديماشتىڭ ءانى وزىنە رۋحاني كۇش بەرەتىنىن، ونىڭ ءانىن تىڭداۋ ارقىلى ومىرگە عاشىق بولا تۇسەتىنىن ايتقان بولاتىن. مىنە وسىنى ەستىگەن ديماشتىڭ كومانداسى ناۋقاس قىزدىڭ تىلەگىن ورىنداۋدى وزدەرىنە پارىز ساناپ، لەيساندى قۋاندىردى.

سونداي-اق ديماش تاتارستان پرەزيدەنتىمەن كەزدەسكەن. بۇل جايىندا ول Instagram-داعى پاراقشاسىندا: «قازاندا 45-World Skills بايقاۋىنىڭ جابىلۋ سالتاناتىنان سوڭ ەل پرەزيدەنتى رۋستام ميننيحانوۆپەن كەزدەستىك. تاتارستان حالقىنا قوناقجايلىلىعى مەن ايرىقشا ءىلتيپاتى ءۇشىن العىس بىلدىرە­مىن!» – دەپ جازبا قالدىردى.

 

سوڭعى جاڭالىقتار