28 تامىز, 15:27 516 0 ايماق Túrkistan Gazeti

المالى اۋدانىنىڭ تۇرعىندارى ەسكى ۇيلەردى سۇرۋگە تۇسىنىستىكپەن قارادى – ساعىنتاەۆ

الماتى اكىمى باقىتجان ساعىنتاەۆ مەگاپوليس اۋداندارىنىڭ تۇرعىندارىمەن كەزدەسۋدى جالعاستىرۋدا، دەپ حابارلايدى قازاقپارات ءتىلشىسى. 

«كەزەكتى كەزدەسۋ كەزىندە المالى اۋدانىنىڭ تۇرعىندارى ۋاقىت پەن قارجىلىق شىعىندى قاجەت ەتەتىن مىندەتتەردى ىسكە اسىرۋعا تۇسىنىستىكپەن قارادى. ولار — ەسكى ۇيلەردى ءسۇرۋ، بالا باقشالاردى جوندەۋ جانە مەكتەپتەر جانىنان قوسالقى نىساندار سالۋ. جاياۋ جۇرگىنشىلەر اۋماعى مەن دەمالىس ورىندارىن كەڭەيتۋ بويىنشا جۇمىستاردى ودان ءارى جالعاستىرۋ ۇسىنىلدى»، - دەپ جازدى الماتى اكىمى باقىتجان ساعىنتاەۆ instagram پاراقشاسىندا. كەزدەسۋ بارىسىندا ءتۇرلى ماسەلەلەر كوتەرىلدى.

«وتە ماڭىزدى ءوتىنىش ايتىلدى، ياعني قالاعا ينسۋلتتان وڭالتۋ ورتالىعى قاجەت. بۇل ماسەلە زەرتتەلۋ ۇستىندە. ماقسات — الماتىدا زاماناۋي كوپبەيىندى مەديتسينالىق كەشەن سالۋ»،- دەدى قالا باسشىسى. ساعىنتاەۆپەن كەزدەسۋگە ەگدە جاندار كوپ كەلدى. «كەزدەسۋ كەزىندە ءار ۇيگە جاۋاپتى ۇلكەندەر بەلسەندىلىك تانىتتى. بۇل ارينە، جاقسى، ويتكەنى ولار ورىن العان پروبلەمالاردى جانە ولاردى شەشۋ جولدارىن بىلەدى، تۇرعىن ۇيلەر مەن اۋلالاردىڭ جاعدايىن قاداعالايدى، پيك-تەردىڭ جۇمىسىن جاقسارتۋعا ىقپال ەتەدى. جۇمىستىڭ مۇنداي ۇلگىلەرىن تاراتۋ قاجەت»،-دەپ جازدى اكىم.

سوڭعى جاڭالىقتار